Lelak Aku

Lelak amat aku dua minggu tu udah... Arap ke minggu dudi nadai agi penanggul. Arap ke semua mujur.

Asai ke agi ka nyambung cerita minggu nyin kemari tang runding aku bedau tentu manah iga. Nganti aku bisi topik baru ila... hehehe

Minggu tu ila bisi sekula ganti.

Lelak amat... mupuk aku

Pikachu enggau Seno

Tu meh gamal anak mayau aku ke kiut kononnya.... Ka mai Cath meda... dipangku,ka ditaban pulai. Pulai sida Cath ari rumah aku lemai 4 aribulan, birak seduai ia ba atas tilam..... eeee.... kiut konon. Birak sebarang....

Penatai Puteri

Tengahari ari dua aku tekenyit ninga Cuthess madah Puteri bisi ba rumah ia. Aku sms ngagai Cuthess ngasoh ia ngabang pagi nya. Ninga Puteri bisi ba rumah ia, aku lalu ngasoh sida ngetu ba rumah aku laban sigi dipansa. Bisi ga ati aku kesal mimit laban ke enda kala betemu enggau sida ia... semina betemu online.

Gaga amai ati aku betemu enggau sida sebilik. Aku selalu imagine Puteri tu tinggi serta besai (ukai gemu..besai) tang aku tekenyit mimit meda kami duai ia nyau ka sama saiz... hehehe. Udah aku nemu umur ia ke amai.... hmmmm.... nda ku nyangka neh.... hehehe...



Ngelama tu meda gambar sida Duncan, Denice enggau Doug aja.... Rindu amai aku ngacau seduai Duncan enggau Denice. Lebih-lebih agi Duncan ka amai bejaku. Denice tu malu-malu mimit... Doug pen pia mega... pejaku amai semina aku meh kadang-kadang enda nangkap utai ke disebut tudah tuai. Puteri meh nyadi tukang translate... hehehe...

Gayu Guru Anang Palau

OOOOOOHHHHHHaaaaaaaaaaaaaa!!!!!!!!! Aiseh.... Selamat Hari Gawai ngagai semua kita.... Anang kelalu balat palau enggai ke enda ulih enggau orang karaoke, betanda.... Aku sigi enda enggau orang ngirup ai ak..ak..ak.. Ka nemu nama utai dempa aku?


Kek Lapis.... manis... (kencing manis)


Kolestrollllll......

Makai Malam Gawai

Aku dibai orang makai malam Gawai ba Dewan Suarah malam ari enam tu tadi. Laban ke laun mimit, aku parking semak tangga dewan terus. Mija kami di sponser Kelab Sukan Komuniti Pakan. Aku laban ke ahli lalu sigi diau ba Sarikei, di bai orang. Makai free... Ke batang endar aku enda tentu nemu pasal makai malam tu. Last minute orang madah ngagai aku. Kumbai aku makai malam KSK aja....

Datai aku ba dewan meda mija kami ba belakang mija VIP. Aku ga ngena tancut jeans enggau blaus aja... orang nyau bebajik ngena baju dero, antin bekebelik.... chey!!! Enti aku nemu... ko ati ku din. Makeup pen aku nadai ngena, semina lipstik aja. Enda ngacau... enda ngacau..natural beauty. Peda aku unggal Peter John pen ngena tancut jean duduk ngerimbai YB Ding.

Nyau udah aku duduk manah, maca backdrop, macam kad program baru meh tudah aku tu tadi nemu Makai Malam tu di gaga SADIA tauka Sarawak Dayak Iban Association. Em... ngelama tu asai ku SDNU ke selalu ngaga makai malam baka tu.


Patron malam nya YB Ding Kuong Hiing


YB Ding mangkung tawak enggau bala sida VIP ke bukai.


Band 'Mali Lembau' ti betabuh semalam-malam nya... stidi kita ibu!!!

Macam-macam meh pengawa kami malam nya. Bisi band bala sida ari Sebangkoi, cabutan bertuah, meri insentif bala nembiak ke manah pemutus peresa UPSR, PMR enggau SPM, ngetas ranyai, lagu sponser serta pekit kumang.


Tu meh bala kumang ti enggau bepekit malam nya... Aku enda nemu pemutus ia laban pulai tumu tang favourite aku ke lumur 7 (bediri 3 ari kiba)

Sigi happening ga malam nya tang aku busy makai... kehkehkeh... Kami sebuat ka 5 iku aja ba siti mija. Maia orang ngasoh wakil siti-siti mija ngetas ranyai, bela beasuh pangan diri kami. Aku ke jari keras baka tiang lampu tu ka diasoh sida ngajat ba mua... enda ku. Tang aya Ganda meh niki laban ia Naib Pengerusi KSK. Stidi nuan aya!!!


Bala sida manuk enggau jani....

Aku pulai tumu laban ke nadai orang enggau... sida ke bukai pulai ke Pakan magang. Aku aja pulai ke bukai. Enti naka sebelah pasar Sarikei enda ga ngawa tang rumah aku jauh mimit.

Taun nyin ila nuan enggau orang pekit kumang endu, ko ibu Corina... aiseh...

Cikgu Sula

Kemari Sula ke rumah laban ka download pom kena ia ngambi master lalu belajar ngaga blog. Ngelama tu ia sigi udah ngaga blog tang agi bedau perfect amai ko ia... Lalu, aku laban ke bakih 'keras' ia ka promote ia mimit meh. Nyadi Sula tu sigi bakih aku kira ke 10 taun udah berengkah ari kami ba matrikulasi suba. Diatu ia nyadi sigu ba Kanowit... Indu Iban + Murud. Agi single... Enti ka nemu klik aja meh ngagai blog ia.

Pikachu

Anak mayau tu di bai madi aku ari sekula. bisi dua iku tang ke siku tu bisi special mimit. Ka amai nginsap jari kami sebilik enti ka tinduk. Minggu nyin kemari aku bisi ke Satok enggau Diana. Ngetu ba kedai jelu bisi meda butul tusu mit. Beli aku siti kena aku nguji dulu... Rm7.90 rega ia. Datai di rumah bendar amat Pikachu nenen ari butul tusu baru..



Madi Pikachu siku agi Snow... Ila ngeso ke Snow ditu

Stanly AF6

Tu baru keterubah bansa kitai Dayak ulih enggau orang Akademi Fantasia. Ia ngarap ke sukung kitai ngambi ke ia ulih enggau orang datai ke minggu ke-10.

Taip AFUNDI STANLY lalu anjung ngagai 32999.

p/s : besampi ngambi ke indai ia ulih nganti penatai ia pulai....

Nguji ngapa

Em.... nguji nulis blog ari bilik guru... Aku enda ulih muka blog aku empu enti ari tu tang aku agi ulih muka dashboard aku. Hehehe.....

Nama pengawa? Aku seminggu-minggu tu nadai ari ka belelak mimit. Tiap-tiap lemai bisi miting. Enti enda miting kokurikulum ga.... Ka ari lima sari nya aja bisi ari ke pasar tang berumban ga pulai laban bisi makai lemai ba sekula. Bisi enggau orang belagu mimit... ceh. Ila aku mansut ke you tube nya ditu.

Kemari kami bisi sekula ganti. Udah nya lemai aku enggau dua iku agi cikgu pengakap ngulu ke bala nembiak ngeso ke movie ngagai bala nembiak bukai. Sekali tama bayar RM0.50. Kena ngiga belanja ke persatuan kami. Pama meh... bisi endar ga nya kemari. Sigi sihat ga aktiviti tu peda aku. Ukai semina kami pengakap bulih duit tang bala nembiak mega teperindang meda cerita Madagascar. Ulih ngurang ke masalah disiplin ga laban enti sida ba asrama, mayuh pengawa ke enda tentu menuku ulih dikereja.

Lemai nya kami bisi bbq ba kuarters endur aku diau. Lapa deh...ia ga ba tingkat 3... nyau penuh siti flat laban asap. Hehehe.... Kaban kami ari flat sepiak sponser. Aku nyadi host laban bisi endur bbq.


Pedis ka ngiga sayap manuk ba menua kami tu.... Ikan nyamai agi digiga


Bendar ka ngabis ke siku ke penudi tu... Ke 4 iku agi udah abis magang.

Anang guai...

Lama aku udah nadai update blog aku neh... Bisi siku dua orang komplen blog aku enda di update. Ukai nama ga... bisi pen post nadai meh orang ka komen... hmmmm....

Sibuk aku minggu tu. Inik aku tama spetal betu ba kaki. Ko jaku nunu (open burning) kena nanam jagung. Sekali datai ribut lalu mau api tudah tuai. Benung ka ngerara api, selipar nyau putus. Kira ke sebulan meh enda ulih bejalai pelaba aku.

Ujung bulan 4 aku enggau orang Kursus Biro Tatanegara.... Bendar amat aku begiga ke baju burak enggau skirt celum. Abis pasar Sarikei endur aku ngiga skirt celum. Ujung-ujung skirt indai aku maya ia agi slim suba dikenyadi...


Gambar fred maya makai ikan tunu ba pasar Filipin


aku enda nemu nama utai tu... siti ari utai ke tumbuh ba tasik... buah lada tasik


emmm... nyamai amat

Ngabas madi aku

Seminggu aku nadai. Aku enggau madi indu aku ke KK ngabas madi laki aku. Ke batang endar kami nganjung sijil ia ti original kena ia interview. Mupuk ari empat, pulai baru ke Sarikei kemari.

Kami duai tinggal ba Mandarin Hotel ba Gaya street. Terengkah aja ba KK terus kami bejalai-jalai enggai muai ari. Rugi... tambang aja udah nyau ka seribu.


Makai puding kelapa... semak enggau politeknik area tu.

Malam nya laban kelalu lelak enda nyadi kami bejalai. Ko jaku ka makai ba Pasar Filipin.

Tumu pagi kami makai mee ba kedai cina semak hotel. Madi aku (DB) komplen enda nemu ngoder laban semua menu enda ditemu ia magang. Hehehe... Fred meh ngoder ke kami duai. Udah nya kami bejalai ngagai muzium. Bisi meda tulang ikan paus ke mati ba Pulau Gaya tang enda ulih ngambi gambar ba muzium



Pulai ari muzium Fred ngeleka ke kami duai ba Sinsuran laban DB ka meli kain... Udah nya kami bejalai kediri ngagai KK Plaza, kedai mutiara, sebelah area pasar Filipin sampai ke Centre Point. Nyau penat bejalai kami ngetu enda lama ngirup ai nyur.



Naka tu dulu. Minggu baru aku nyambung pejalai kami semadi

Nembiak Akademi Fantasia 6

Aku arap ke Stanly Maringai ulih enggau orang datai minggu ke penudi.

Kira ke seminggu aku bejalai

Em... sari tu ari minggu. Pagila aku dah ba sekula. Nadai meh aku ngabas blog dalam berapa ari tu. Udah nya ila aku bejalai ngagai madi aku. Ari minggu nyin ila baru aku bisi... Tang anang irau laban aku sigi meda kita belama. Heh..

Bbq ujung minggu

Em.. dah mansau... Jimat ke jari nya La...irau mai aku meda.


Benung discuss rumah sapa endur bbq udah tu ila...


Stidi aku...

Enti ka meda gambar bukai tau ngabas ngagai blog Chris...

Anang guai... dinga dulu tu...


Hehehe.. anang nganu La...

Ngasap ba rumah aku

Enti bisi ari datai ngagai rumah aku pagila 15 mac pukul 3 lemai. Ngasap bala sida sayap mimit.... Enti enda nemu rumah aku... email dulu ngagai grace138@yahoo.com. Aku meri hp no aku.

Baka ni pemutus SPM kita?

Aku enda nemu pemutus SPM udah pansut semadi kaban aku nganjung sms. Kami sebilik nadai ngambi SPM nya alai aku enda tentu nemu.

Kemari aku enggau madi aku nganjung baucer sijil simpanan premium ke diberi Yayasan Sarawak ba BSN. Aku meda mayuh amat bala sida nembiak bebeli ke lumur pin. Meda bakanya aku lalu sms ngagai bala nembiak aku nanya udah meli ke bedau...

Udah meli lumur pin kita kena apply tama ngagai universiti tauka politeknik? (laban aku enda nemu lumur pin ni ke dibeli... sebut aku U enggau Poli aja meh)

Enda lama udah nya siku malas munyi tu...lumur nama utai nya?

Lumur kena kita apply tama ngagai universiti online.

Nama enda madah ari suba... mesa ni ga nya.

Maca saut ta baka nya lalu aku hot... ngelawa ke diri nyaut aku... Lumur pin pen enda nemu. Bekali-kali bala sida bahagian kaunseling madah maya perhimpunan. Sigi ga pending kebukai. Dibalas aku baru meh sms nembiak nya tadi. Hot amai aku.... Enti bisi ba mua aku sigi tekong aku kening ia nya.

Pagi tadi udah PTK aku meda pemutus peresa bala sida ke sigi rapat enggau aku.... Nya aku meda pemutus nembiak ke bersms enggau aku sigi enda layak tama Pom 6. Tudah tuai tu sigi ka kurang-kurang agi meh tang nemu ga gawa mimit-mimit.

Kasih meh bala nembiak ke enda tentu nemu ngatur ke diri. Pengelama aku ke nganti madi aku ba BSN, nadai siku nembiak ari sekula aku bisi meli lumur. Ke mayuh agi dipeda aku bala kami ke sipit mata.

Ari Nanga Latak Ngagai Mayau

Tu penudi ia aku nulis pasal pejalai kami ngagai Nanga Latak sari nya. Kami pulai ari satu minggu nyin kemari. Aku laban ke enda nemu pulai pukul 8:30 pagi nyau berumban-rumban ngemas barang. Tang bala anak mit ke seapartment enggau aku sigi udah di asuh aku mandi enggau bekemas. Kaban aku bilik sepiak pen enda nemu pulai tumu laban sebedau nya sida madah pukul 9:30 pagi mupuk ari Kajang. Nyau enda mandi bala anak mit ba apartment ia.

Kami raun dulu ngagai Putrajaya.. mansa upis sida Empidan... Udah nya kami ngagai Nilai 3. Nyau berumban ga kami meli barang laban bilun pukul 2. Datai din kami betemu enggau sida ari Sabah.. bilun pen sama pukul dua tang sida dulu agi datai ari kami.

Amat ga, nda ingat aku becerita...pagi nya benung aku kisuk beradu ke barang enggau anak mit bisi cikgu siku ari Lahad Datu mai aku betukar baju. Ka berat ga ati aku laban taun nyin kemari aku dah betukar baju enggau Sabah. Nyau berunding ga aku udah nya... aku nadai kala meda ia sebedau tu, engka ia baru enggau. Enti aku enda betukar mayuh amat baju aku ke sebaka ba almari aku. Tambah mega sigat diri ga gamal cikgu nya deh... peh!!!! Ari sida ke baru datai dikumbai ia atlet aku.... lama ia meda aku (ukai prasan). Udah ia nemu aku 'sigu' enti kami betemu ia sigi nanya belama. kehkehkeh....


Bala anak mit lebuh meda Datuk M Daud Kilau sida buat de' jak laban enda ngelala. Udah bala pengajar madah ngagai sida.. lapa deh, nyau berebut ka begambar. Nembiak sekula aku best agi. Datai ba sekula madah ke diri betemu enggau Mat Kilau. Kasih....


Aku duduk semak Ancis enggau Glenn. Nyau berebut seduai ka duduk ba tisi. Patut ia aku ke empu penuduk nya. Nya aku ngaga syarat seduai mesti betukar-tukar. Maya take off Glenn duduk ba tisi, maya landing Ancis. Enti enggai betukar aku duduk dia enggai meri seduai.


Tu Nurul... sigi rapat enggau aku laban ke paling mit enggau 'fragile' antara sida ia. Enti nepan bas sigi mabuk berari. Maya nepan bilun tumu aku nyedia ke plastik taja ba bilun bisi travel sickness bag. Ia tu lucu enti bejaku... mancal. Ba bilun maya pulai ia nyau enda mabuk agi... nyau ulih bejalai ngagai jamban. Enti ngelama tu enda datai 10 minit udah duduk tisi aku minta urut pala.

Nyau ka landing kami ba Kuching, tayar bilun udah pansut, lampu ba padang bilun ulih dipeda, sekali ngasai ke bilun niki baru ke atas... Anti aku nikal baru enda ga bilun nya bepusin. Nyau kelama baru pilot madah kami terengkah ba Sibu laban kudi balat amat ba Kuching. Gaga asai ati laban enti ulih kami ke ari Sibu, Sarikei enggau Mukah ka ngetu ba Sibu aja tang datai ba padang bilun Sibu, sida madah barang kami enda ulih dipansut laban kami grouping. Nikal baru meh ke Kuching... aiseh... Nepan bilun baru cikgu, ko aaaa.... Gaga sida nepan bilun baru ari Sibu ke Kuching.

Ari siti baru kami pulai ke menua diri empu ngena bas. Lelak amat... aku tiga ari udah nya tinduk aja2 lemai.

Nanga Latak 2

Beguai-guai aku update blog aku tu laban Empidan madah ka maca lemai tu... Aku agi buntau tu laban malam tadi laun amai tinduk nganti pemutus sida ke bepilih. Nyau lelak aku nganti ba mua TV, fred madah manah agi ngecik ba internet. Amat mayuh bala bloggers malam tadi nganti pemutus ba internet. Empidan enda tinduk ko aaa.... Nama indai tuai bisi pulai boss?

Nyambung baru cerita ba NL tu rutai. Maia sida nembiak benung bemain ba taman KLCC enda mukai-mukai ujan ari. Aku lalu ngasoh sida belanda tama ke dalam. Benung aku ati begiga enggai ke bisi bala tinggal dia ujan majak lebat. Bisi dua iku anak mit agi nganti aku. Kami tiga lalu beteduh ba langkau mit siti. Nadai sempat ka lari agi.

Meda ujan nyau enggai ngetu-ngetu kami tiga belanda aja meh tama ke dalam... nyau jempuk. Kasih amat aku meda seduai ia. Aku mai seduai ngagai jamban ngena dryer ba jamban. Lapa deh.... gaga amat seduai bekindu ngena dryer nya... Enggau aku sekali meh. Kapa orang NL enda meda ulah kami tiga. At least kami nemu ngena dryer ba KLCC. Enti sida berujan ba babas nadai sida nemu ngidup ke api kena bekindu... nye!!!


Kasih tudah Nurul enggau Julia nyau jempuk. Bai aku makai ba food court atas din... ai oren kongsi nya pen enda abis.

Berita Ba Nanga Latak

Mayuh amat cerita aku tiga minggu sekumbang aku ke nadai ayan ditu. Dua minggu aku ba Santubong din... nyadi juruiring nyaga nembiak. Taja dalam surat aku nyadi juruiring tang aku selalu dibai bala jurulatih enggau ngelatih nembiak... kena buli. Tang nadai ga pengawa aku... nyamai agi enggau sida. Semadi aku lelak amai baru aku enda enggau. Ni enda... aku nyau 24 jam enggau bala nembiak. Nda adil..nda adil...

28 kami ke Nanga Latak... Empidan lalu besemangat amai ka mai aku raun ba Putrajaya ngena BET 2*** ia... seh. Kami diau ba Taman Tenaga Kajang. 29 pagi kami ke Sekolah Sultan Alam Shah nguji ke laluan endur belanda. Sempat ga aku bejalai-belanda ba Taman Botani... Lemai nya baru sida kaban ari negeri bukai datai. Baka selama... Sabah enggau Labuan sigi diasuh diau ba endur ke sama.

1 pagi kami ka belatih baru tang ari ujan sepagi-pagi... Pulai ngagai endur diau, tinduk makai bejalai ba sebelah Kajang. Malam baru diting enggau Empidan... Makai roti canai ba kedai mamak.

Pagi 2 ari bulan kami betanding. Keseluruhan Sarawak lumur dua alah laban Selangor... Taun nyin kemari Sabah lumur satu tang taun tu sida lumur 4. Faktor ia : laban taun nyin kemari rentas desa, mayuh bukit enggau babas. Bala sida ke enda burak nya sigi enda tentu tan niki bukit nengah babas... Nya alai Sabah enggau Sarawak selalu menang. Tang taun tu ba jalai alun...

MSS Sarawak... agi idup agi ngelaban...

Bala nembiak pengajar...

Lemai nya kami raun ngagai Nanga Latak. Gaga amat sida ke mit meda KLCC enggau KL Tower.


Alah anak mit bukai laban sida tu. Lapa deh.. berapa ari ati mai raun ngagai KLCC... datai din nyau lelak ngibun sida ia...


Tu selipar kena sida bejalai ba Nanga Latak...

naka tu dulu.. ka belelak..pagila ngundi

Baru datai

Aku baru pulai ari KL ari satu nyin kemari. Agi lelak laban terus pulai ke sekula ari dua.. nadai rehat-rehat.... Ila aku madah baru pengawa aku tiga minggu tu...