Taun Baru Cina

Laban nyau ka Taun Baru Cina nya alai blog aku tu ditukar aku background... Ila nukar baru. Bedau teleba aku meda blog aku tu mirah... asai ke meda blog orang bukai ga.

Ari Enam Tu Tadi

Ari tiga minggu baru kami bisi Kejohanan Larian Jubli Emas... Nembiak aku bisi 38 iku enggau lalu target kami kira ke 20 iku ngari ke Sarikei serta 10 iku ngari ke Sarawak. Taun dudi kemari 18 iku ngari ke Sarikei lalu 7 iku ngari ke Sarawak raun ke Labuan... Siku ari sida tu bulih pingat emas maya kami ke raun ngagai Labuan nya. Peda tubuh ia mit tang ia balat tan seput serta kuat ari segi psikologi.

Nyadi Larian Jubli Emas tu baru digaga taun tu nganti Merentas Desa. Bisi empat kategori ianya laki 18 enggau 15 serta indu 18 enggau 15 taun ke baruh. Siti kategori tau nganjung siku ngagai 10 iku nembiak. Numbur enam iku ke paling manah dalam team sida nya dikena orang ngira markah berpasukan. Sida tu mega diberi orang perais individu... Minta ampun ke basa ti becampur tu.

Taun nyin kemari indu 15 taun kebaruh kami bulih lumur satu ngagai lumur enam... udah nya baru nyelit sida ari sekula bukai. Ukai ka ngelawa ke diri tang nembiak kami sigi tan amat seput sida... laban tudah ke selalu enggau orang ngema ai getah nanjak bukit, ngesan buah lada...


Sebedau belatih Pengajar S meri jaku peransang seleka dua puluh leka... Nembiak kami tu nyamai dilatih laban sida bangat ninga jaku serta nadai mayuh 'ulah'. Asuh ngena kasut enggai laban sayau ke kasut enggai ke tapa tingkil. Kaki kami tebal cikgu... ko aa... Sayau agi ke kasut ari kaki.


Lari setempat dalam sungai ngambi ke kaki sida kering agi... ko Pengajar MS


Nyau lelak sida tu belanda ba jalai alun 6 - 8 km sari dibai kami belatih ba sungai aja... Sida tu dilatih kami belanda ngelaban arus sungai... Udah nya mandi serta nyemerai ngambika otot sida ulih relax mimit.

Puas mandi kami lalu begiga ke tekuyung panjai enggau pama... lapa deh. Sigi anak orang Iban meh kami tu.


Pulai ari sekula aku nangai rumah Chris nunu sayap manuk. Berita penuh tau dibaca kita ba hornbill.

Ari Enam Nyin Kemari

Lemai ari lima aku ngacau Mok mai ia ke Sibu. Sekali amat-amat ia call aku madah ke diri ka ke Sibu ari enam. Enti nuan enda enggau Daddy ka enggau aku pagila, ko ia. Laban ia ka drive nadai ga salah aku enggau ia.

Pagi ari enam tumu Mok ngambi aku ba rumah. Aku baru abis mandi ia sigi udah nganti ba mua gate nganu-nganu aku bedau begari... hehehe...

Anang meli utai nadai diguna amat seduai nuan, ko indai aku.

Kami duai nadai bejaku mayuh, ninga aja meh...

Mok : Nya aja pesan mami nuan tadi Mang?
Mang : Auk... Nuan deh?
Mok : Mami ku enda ngasoh tua pulai laun

Sepanjai jalai kami duai berandau... Datai ba Sibu ia ngiga kaban ia dulu laban ka meli baju ke nembiak sida. Sebedau nya kami duai makai dulu ba Mas Corner semak enggau CIMB. Aku makai tang hoon sup... ia laksa special.

Tang hoon soup...


Laksa Sarawak special... RM 5.00 laban bisi undang 4 - 5 iku...

Udah nya seduai ia kaban lalu ngiga kedai ka meli baju. Aku nganti ba moto aja... nguan moto ke di parking ia sebarang aja ba sebelah pasar Sibu.

Udah abis pengawa sekula ia... nya baru kami duai ngaga pendawa diri empu. Ke terubah kami duai makai tengahari ba kedai semak enggau MAS office. Bisi fish curry, yam vegetable basket enggau sup tauhu. Nyau ka enda alah kami duai lauk nya tang ngenang ke rega mar... pupuk kami duai belubah-lubah....


Keladi diguring lalu digaga baka mangkuk endur engkah sayur.


Kari ikan... enda tentu nyamai laban ikan ke di panduk enda tentu fresh

Badu makai kami duai lalu ngagai kedai urut... ka ngurut tapak kaki (reflexology). Enti ke Sibu sigi tu meh pengawa kami duai. Mok tu sigi enda tan diurut orang... ati lekik lekik ketawa. Udah sida tukang urut nya sigi ari menoa China... nadai sida nemu utai ko kami duai... ka tauke ja nemu. Nyau belajar jaku Mandarin kami duai enggau sida dia... asal nemu nyebut geli tauka pedis umbas meh.

Sejam ngurut kaki kami ngagai Wisma Sanyan... Terubah ngagai Aussino. Ko jaku meda aja sekali pansut mai shopping bag dua iti. Mucau mucau kami duai meda barang ke dibeli. Pansut ari Parkson bisi ga utai dibincing... EEE....

Mang : Mok... pukul berapa diatu?
Mok : Pukul...APU!~!!!! Am pulai sebedau mami ku call.

Jampat-jampat kami duai pansut ari Wisma Sanyan. Maya agi ba Sibu sigi takut enti ninga handphone bebunyi. Nyau ka datai ba simpang ke Pakan munyi handphone aku

Mang : Hello
Indai : Dini kita diatu?
Mang : Nyau ka datai
Indai : Auk, nya aja

Kira-kira 5 minit udah nya munyi ka handphone Mok

Mok : Hello mami... kami nyau ka datai tu.
Mami : Dini seduai? Nama laun amat pulai?
Mok : Nemu aja meh enti aku pansut enggau mang sigi laun pulai.
Mami : Ari nyau ka malam.... bla bla bla...
Mok : Okay... bye

Lekik-lekik kami duai ketawa ba moto... Indai kami duai sigi ari suba tusah ati belama enti nemu kami duai ka mindah. Maya agi belajar ba Kuching, jalai agi jai, kami duai mai moto kancil 650 kediri. Ba tengah jalai enti maya rian labuh sigi ngetu meli rian bai pulai ke Kuching. Udah Kancil nya cat gadung... nyau baka sigi buah rian besai benung bejalai asai. Ampuh sigi moto enggau bau buah rian.Ujung taun tu tadi ke KK mai moto. Enggi orang dua ari aja... enti kami duai Mok sampai tiga ari. Ni ke belaya agi ba tengah jalai... Ni ke betengkuk ke pala... Sigi pengawa kami duai tang munyi ko ia... "apa-apa pun ia sigi kawan aku"

Nadai Pengawa

Bendar udah aku ngiga baju kebaya nyonya tu tang nadai kala bulih ke ngam-ngam. Nya meh tusah amai enti kelalu mit tu..nadai baju cukup. Tancut jeans nya anang ngiga meh... Orang nyamai amat meli baju peda aku. Enggi aku saiz S pen agi gerah. Nya selalu agi meh ngagai children corner enti ka meli gari...hehehe...

Maya bejalai ba Jalan Tunku Abdul Rahman aku tepeda ke baju tu.. Enti bala sida indai ba rumah panjai baju tu dikumbai baju dero. Bisi saiz SS. Nadai ku ngira rega ia ke mar, beli aja.

Datai ba Sarawak nadai meh aku ngena... ka kena ngajar nadai jaku nya. Ngambi ke nembiak enda ningga utai ke diajar ati meda aku aja... (minta puji).

Kemari udah abis ngajar aku ka pulai ke Sarikei. Tama ke bilik meda baju nya digantung aja. Bisi ga ati ka nguji baru. Hehehe... TADA!!!!



Kemaia meh ulih ngena baju tu neh? Rugi ja ku meli aja deh... Suba maya Fred ke China aku mesan meli kain kena ngaga cheongsam... sampai sari tu enda kala dikena. Enti saiz dah betukar ila nadai ulih kena agi.. isk isk...

Bala Blogger Ka Betemu

Enti kita diau semak enggau menua kami tu madah ke diri serta anang enda enggau kami. Tinggal ke komen kita ba baruh tauka email ngagai aka ba grace138@gmail.com. Endur enggau maya bedau ditemu laban ka meda dulu pemayuh bala kitai ti enggau.

Cuti-cuti Malaysia!!!!

Enti ba jaku Iban cuti tu disebut kitai kemisi... Nyadi enti aku ka nyebut cuti-cuti Malaysia ba jaku Iban ia lalu munyi tu kemisi-kemisi Malaysia... betul enda Iban aku tu deh...


Buah strawberry ba Cameron Highland


RM 9 aja rega buah strawberry tu siti pasu. Enti rumah aku bisi angin ke celap @ aircond ka aku nguji meli. Tang sayau meh nadai nadai aircond rumah kami laban ke mayuh kami sebilik sakit sengak tambah agi enda tan celap. Sendat idung tinduk malam...


Nyadi orang enda ngasuh kitai ngambi daun teh... Jangan Anang Petik (enda nemu) Daun Teh. Pengajar ukai ngambi daun teh tang megai batang ia... heheheh....


Benung berunding bakani ka ngaga ladang teh ba menua pulai tu ila.


Tauge Ayam... Kumbai ta nyamai endar ga laban meda orang nyau bebaris nganti meja puang.


Manuk kesuh... tauge (bedau datai) enggau ai tebu panduk.... Nyamai agi ba menua kitai. Patut orang madah Sarawak tu mayuh pemakai... aku nusui ngagai ipar aku pemayuh endur makai ba Kuching ia enda ulih imagine. Bisi Siang Siang, Da-Light enggau mayuh agi endur bukai baka ba Tabuan, BDC, Batu 4... Ia kala sekali ke Kuching taun 2004 suba... Nadai endur makai ko ia... Ngiga ba sebelah waterfront aja tudah tuai...


Nyamai agi lauk dipanduk kami serumah maia ka nyambut taun baru 2008... bisi manuk tuai rebus (kulit is tunu dulu), ngut panduk enggau daun empasa (ubi), upa aping rebus (manis amat), sayur campur, mee hoon, asi, buah pauh tesap mit enggau manuk kari.


Bala kami serumah benung jenuh ninga ke jaku lalau ari Pengajar (ukai aku). Pengajar tu ngasoh kami serumah ke agi besekula bendar agi belajar. Enti apai enggau orang nyabung, bejudi, meli lumur... anang mai anak ko ia. Nyadi ia empu enda kala ngasoh anak ia meri manuk sabung ia makai taja ia empu ka amat nyabung. Nydai bala anak ia tu sigi enggai enggau orang nyabung serta sinu ke jelu. Enti kami serumah tu bisi belanja lebih, anang enda mupuk meli rengka ngaga rumah... (rumah pengajar tu empu bedau tembu!!!! hahahaha...) Anang ngiga belanja bebulan-bulan tang abis sari dikena nyabung tauka bejudi.


Sida tu sebilik nyau sampal malut bup teks... Siku aja ke agi sekula ba SMK... Ke baju celum nya benung ka ngiga pengawa enti final year project ia pas... Ke baju burak nya apai seduai ia. Bisi siku agi menyadi tuai sida ia nadai dalam gambar tu. Bajik diri ga menyadi tuai sida nya ko orang...kuikuikui....

Taun 2007

Tu 10 iti utai ti nyadi dalam pengidup aku ba taun 2007 ti tau dikenang diri empu. Kira ke kenangan pahit manis meh tu...


1. Bulih APC...

2. Doktor madah aku bisi mild chronic gastritis... datai ke sari tu agi bendar ngibun pemakai diri...

3. Nurun ke Labuan mai atlet rentas desa. Siku nembiak Pakan bulih pingat emas.

4. Nurun ke Negeri Sembilan mai atlet 4 x 400m. Sekula aku mecah rikod kebangsaan tang bulih gangsa...


5. Konvokesyen Master... nurun kediri laban orang rumah nadai ari..isk isk isk


6. Sari udah konvo terus ngambi Ujian Penilaian Tahap Kecekapan (PTK)... Umum bulih I khusus bulih III... lapa deh...


7. Bulih pemutus peresa PMR menyadi aku...


8. Interview (akai dai...)


9. Rumah panjai bulih lumur satu ba Pertandingan Keceriaan Gerakan Desa Wawasan


10. Nyau ka bisi rumah kediri....


Bala kaban maia sekula ti lama udah enda betemu. Dimut nitih ke laki ia gawa ba Shell Miri. Julia @ manuk ba Betong (benung ngiga orang ngibun anak ia Ian @ menantu aku ila), Pame ba KL enggau laki ia ti gawa nyadi sedadu, Simba ba Kuching tang selalu tama ke babas begulai enggau sida jelu... Aku... mengkang ditu belama... ka mindah lalu nadai bulih.

Nadai dalam gambar... Dott nyadi pengajar ba Marudi, Jack nyadi pengajar ba Tatau, Chemen @ cangkuk nyadi pengajar ba Bakong. Ari 8 iku kami sekaban, 7 iku nyadi pengajar...

Selamat Taun Baru 2008

Pengajar meri kita semua selamat taun baru 2008. Arap ke terus mujur dalam semua pengawa. Lemai tu pengajar bisi meeting ba sekula....

Pejalai Pengajar

Enda lama agi sekula baru ga bala nembiak. Bala pengajar bisi ti udah pulai ke sekula laban bisi minggu orientasi ngagai nembiak pom satu enggau darjah satu. Bisi ga nurun miting. Aku empu lalu bedau ngabas sekula laban nadai pengawa aku taun baru tu enda baka taun dudi nyin suba. Nadai diberi orang nyadi guru tingkatan laban jadual aku mayuh serta selalu nadai ba sekula.

Asai ke pandak amat kemisi sekali tu. Berengkah ja pemisi sari nya aku bejalai ngagai Sabah dua minggu. Udah nya pulai ke rumah lalu sakit. Bedau tentu gerai amat aku terebai baru ngulu ke petunggal aku ngabas anak ia ba KL. Datai din sakit baru ga enda tan celap ba Cameron Highland. Berapa kali mutah nepan moto. Aku nadai tentu enggau orang bejalai semina diau ba rumah aja... tinduk ngetat ke diri.

Benung aku shopping ba Tesco telefon indai aku madah ka bisi orang ba Kuching ngiga. Nadai mood agi aku raun ba KL. Pulai ari KL (ngagai Sibu) aku lalu nurun ke Kuching mai moto kediri enggau kaban aku siku. Enda tinduk semalam-malam laban ke irau ati. Udah abis pengawa ba Kuching aku lalu ngagai Batu Lintang Sri Aman ngagai petunggal aku nikah. Apu.... asai ka ngetu aja aku driba laban kelalu ngantuk tang takut ke enda sempat datai. Nyau malam baru aku datai ba Purai, Batu Lintang. Dua kali ngetu nanya orang ba jalai enggai ke lanjur.


Gambar sebedau ngagai gereja... (aku agi ba Kuching maia tu)


Kelalu mayuh orang... baka selebriti ga petunggal aku tu nikah

Semalam-malam nya meh orang rami. Bajik amat ga pentunggal aku malam nya ngena ngepan orang ulu ia. Tang aku nadai begambar laban kelalu lelak. Enti nitih ke ati enggai aku datai tang laban ngenang ke kaban. Bedau agi nyau pengelelak tumu pagi aku digerak indai mai pulai. Aku ngasoh sida pulai dulu laban aku agi ka tinduk tang sida ia enggai meda aku mai moto kediri. Nurun aku kebaruh peda aku ini aku ditinggal ke sida ia enggau aku pulai. Ka pen enggai pulai meh aku jampat-jampat laban ke mai orang tuai. Ko jaku ka ngetu ba Betong ngabas kaban aku siku tang udah mai orang tuai tambah agi mata buntau aku pulai terus ke Sarikei.

Datai di rumah aku nadai mandi kira ke nyau 24 jam.... aku tinduk terus. Kapa aku mandi. Lelak amat. Lemai baru aku mandi (udah lebih 26 jam enda mandi).

Sari tu baru bisi enseput mimit. Sida menyadi aku ke rumah panjai laban orang bisi nyayat ngut pagi tu. Aku enda enggau... legi ngining orang aja makai ngut tunu. Agi batuk tu mayuh amat penti.

Naka tu dulu neh....

Pengajar Sakit

Ukai nama nadai nulis blog seminggu tu udah. Pengajar sakit. baru sari tu bisi enseput mimit. Nganti udah pulai raun ila aku nulis baru.

Ujian Akhir Tahun

Tu peresa digaga Pengajar ke bala kita.... Enti kita betul magang ila Pengajar melanja mee rangkai...



Create your own Friend Test here

Tamu Ba Sabah

Wesly mai aku ngagai tamu dua ari beturut-turut. Ari terubah kami ngagai Tamu Tamparuli. Tamu tu bisi tiap-tiap ari tiga. Aku kala ngagai Tamparuli suba enggau Empidan nganjung orang.. hehehe... (anang nyabak Empidan). Puas aku ngiga dini alai Jambatan Tamparuli ti popular amat dalam lagu Jambatan Tamparuli.


Tetemu ke signboard ia.


Jambatan Gantung Tamparuli. Tang ko orang, ukai tu jambatan ti disebut ba leka lagu nya.... Jambatan lama baruh ia... Nadai gambar.

Ari empat Wes mai aku ngagai Tamu Dongongon... suba aku kitu tiap-tiap ari tang nadai kala ngagai Tamu Dongongon laban kerja maia nya. Pulai kerja dah pukul lima berumban ga kami ngambi bas mini ke Luyang berapi ke Empidan.


Enti ba menua aku empu, beli aku magang tekura tu deh... Bendar kami duai Wes milih tang siku pen nadai dibeli..hehehe...


Sama baka enggi kitai peda aku semina munyi tebah sida lain agi.


Raga enggau baka sama.... enda aku meli


Kati kitai nyebut utai tu ba Iban wai? Pansa kenya aja... Ka meli ko jaku tang ninga Wes enggai makai enda ga.

Agi ka aku bejalai ba Tamu.. nama kebuah Empidan enda kala mai kami bejalai ngagai Tamu suba neh?

Agi idup agi bejalai

Bala Majak Mayuh

Enda aku tekenyit meda mayuh amat blog ngena jaku Iban diatu. Suba aku semina muka enggi sida Puteri, Cath, Uchu Keling, Groovytuai, Sebanati... tang diatu, buka enggi siku peda bisi ga link ngagai orang bukai. Nyau seari-ari aku maca blog bala kita ke ba menua serta menua tasik. Diatu kemisi sekula... nadai mayuh pengawa ka digaga.

Aku meri terima kasih ngagai semua kita ti bisi ngaga link ngagai blog Pengajar. Nyadi aku nyau sebening ka ngaga link ngagai blog kita. Enti sema kita ka aku ngaga link... kita meri komen ba post aku tu.

Agi idup agi ngaga blog

Aku nganti Empidan ngaga blog.

Buah nyur tunu

Pulai ari Kundasang kami sekaban ngetu makai buah nyur tunu ba ... enda ingat dini. Semak Putera Jaya dia meh....

Anang enda nguji makai.... Nadai ga nyamai amat nyur tunu tang puding kepala ia sigi nyamai. Tambah agi rega lukan nya mudah banding enggau ba Skei.

Indu nya

Terubah suba kami duai tu manah begulai ngau pangan diri laban sama-sama baru. Lama ke lama ia majak berubah serta mulut ia kelalu bangat jai bejaku serta nganu orang. Mayuh orang enggai meda ulah ia bakanya ta enda nemu bebasa ke orang tuai kadang-kadang. Selalu meda penyalah orang tang enda sedar ke penyalah diri. Kala sekali ia ditemu orang ngaga penyalah... nyau abis menua endur ia becerita madah ke bisi orang ngerepot penyalah ia. Nda ibuh diripot penyalah ia nya. Sigi senang ditemu.

Sekali ia kala nganu aku... maia nya aku sakit. Pedis amat ati aku tang aku agi sabar. Kali kedua laki ia nyindir-nyindir aku tang aku diau aja. Munyi ko kaban ia empu, seduai laki bini enti enda nganu orang sigi enda ulih idup. Ukai aku munyi nya, kaban ia empu. Kumbai ia ka kaban ia meda ulah seduai laki bini ko ia.

Baru-baru tu ia majak enggai meda aku. Nadai kala aku ngasai ke diri kelalu sumbung tauka lawa. Ari suba aku sigi selalu bejaku ribai enti begulai enggau bansa bukai tauka bansa Iban mega. Ukai lawa tang aku agi belajar jaku ribai. Sampai sari tu aku bedau landik bejaku laban aku majak jarang bejaku ribai. Tang mayuh orang enggai meda kami Iban tu bejaku ribai... ati ditunda sida aja-aja meh enti kami bejaku.

Sari nya ia nganu aku ba mua kaban aku serta ba mua kaban apai aku. Sida ia nusui ngagai aku. Udah nya aku enda bejaku enggau ia agi nyentuk ka sari tu. Ia enggai meda aku serta ka amat bejai aku ba mua orang. Bisi ari ila ia bulih penulah laban ati ia ti bangat jai nya. Taja ia bejaku baka orang ti kering tang enti ia bulih penusah ia seruan nyabak ba mua orang. Bisi ari ila ia nyerauh nyabak baka ia ke bejai orang. Ni pengelama ia bejai ke orang, nya meh pengelama ia nyabak. Pengidup kitai baka tayar moto.

Lok Kawi Wildlife

Suba maia aku latihan industri aku dianjung pensyarah ngagai Jabatan Hidupan Liar Sabah. Aku enggau tiga iku agi kaban diasuh orang ngagai Taman Zoologi dan Botani Lok Kawi enggau ngagai Sepilok nyaga Orang Utan. Maia aku din suba aku diau ba rumah Empidan ba Luyang... Manah amat meh Empidan tu enggau bala nembiak ti diau ba rumah ia nya.

Taun 2001 nadai mayuh jelu ba Lok Kawi. Semina bisi burung, gajah ti benama Rocco enggau sida jelu ke kena kuarantin. Diatu endur nya udah dibuka ke orang mayuh tiap ari.


Rocco... maia aku praktikal suba kala aku nepan gajah tu.


Tu gambar rimau benung bira


Lok Kawi Wildlife Park... Orang besai enda tuai RM 10, nembiak mit RM 5, orang tuai tauka warga emas free enti ka tama kitu.

Bejalai Ngagai Grace Garden

Lemai kemari udah abis semayang ba Gerega Methodist Shern En aku dibai kaban aku maia ba Unimas suba makai ba Grace Garden. Empat iku kami.Dua iku nya sigi coursemate aku. Siku agi pangan seduai ia. Lemai tu legi aku dibai Cikgu Epius makai di rumah ia ba Penampang. Nya ga rindu endar enti mayuh kaban.


Kaban aku maia agi belajar ba universiti suba..gambar enda tau terang iga laban tu gambar orang.... Jay, Cikgu Epius enggau Pengajar

Kening menyadi angkat aku Wesly (4 taun) udah digam lemai kemari telih maia semayang. Sinu ati meda kening ia tang ia sigi nadai nyabak berengkah ari ia labuh sampai pagi tu. Maia orang nuci telih pen ia diau aja. Maia nganjung ia ke spital, tinduk ia dalam moto. Sigi pama Spiderman kami nya. Pagi-pagi dani udah mai aku main puzzle.

Cerita Ari Kundasang

Aku baru pulai ari Kundasang lemai kemari. Aku agi alit ati bakani duit ke dipansut ke aku ensanus bedau dikena... agi dibai aku pulai baru ke KK.

Aku enda ga gagit amat ka ke Kundasang laban selalu amat kin tang kaban aku ari Mudong siku tu enda kala kin... Ngulu ke ia aja. Semina ngagai Kundansang War Memorial nya aku bendar amat begambar laban baru keterubah ia. Ila engkah gambar ditu. Aku nadai mai tali kabel kamera aku. PC aya aku tu nadai card reader.... Em... bisi PC fair ba KK sari tu... legi meh aku meda enti aku sempat kia. Agi nganti kaban aku J ngambi aku kitu da Putera Jaya.

Alit ati aku meda sida bumiputera ditu mayuh amat bisi kedai kediri empu. Semina ba bandaraya KK bala sida tauke enggau taukenio mayuh muka kedai tang enti aku ngagai endur bukai baka Kundasang, KB, Ranau... sida tauke nya ta bejaku Dusun tauka Bajau.

Uji kitai bejalai ba serata menua Sarawak... Berengakah ari Kuching, Serian, SriAman, Betong, Sarikei, Sibu, Bintulu, Miri, Limbang, Lawas.... tusah amat ka ngiga bala kitai bisi bekedai. Amat meh tauke nya nemu bejaku Iban lebih agi enti ba Sri Aman... tang anang saru mata sida ia sipit wai...Aku empu pen enda muka kedai... Ila enti aku dah muka kedai anang kita enda datai meli ba kedai aku.. Anang enda nyukung aku...

Sari nya aku ke Bintulu... terubah meli belacan ba kedai siti. Udah nya aku bejalai baru meda bala kitai nyual belacan.. Aku meli... nyukung bala diri ko jaku. Pulai aku muka belacan... mit amat meh belacan bala kitai tu. Nyau ringat kediri aku digaga ke bansa diri bakanya.

Bah... naka tu dulu. Ila becerita baru..

Nitih ke semaya... tu gambar sekeda ke diambi aku sari nya...


Gambar tu diambi ari Jalan KB Ranau... Enti nengah jalai tu manah agi rampa menua ulih dipeda serta ulih meda rumah Felix AF ba Kpg Purak Ogis...


Nguji nebah engkerumong orang Dusun...


Ngetu enda lama ba Kundasang meli keropok bayam, strawberry panggang enggau buah pisang.


Tu meh strawberry orang Kundasang... ukai ke dipanggang tu...


Gunung Kinabalu diambi ari Kinabalu Pine Resort.


Kami duai Empidan kala bejalai di atas din... kita deh?

Olahraga Pembangunan

Baru abis olahraga pembangunan kami kena 24-25 ari bulan tu tadi. Sekula kami bulih 10 emas... nambah ke 6 iti ari taun nyin kemari. Siku nembiak ulih mecah ke rekod belumba jalai kaki MSS Sarawak. Siku agi nembiak ulih mecah ke rekod 800m enggau 1500m MSS Sarikei. Dua tiga taun ti udah acara jarak jauh sigi mayuh pulai ngagai kami perais... Siku nembiak udah dua taun nyadi johan kebangsaan acara merentas desa (belanda ba babas)... Sigi pama nembiak ari pakan... teleba bejalai nujah bukit...

Nama agi rasia sida tu? Disiplin ti manah. Nadai kala ngular maia belatih. Bebasa ke cikgu ti melatih sida. Enda baka bala sekeda... Baru megai rekod sekula tauka bulih pingat emas sekali dua lalu enggai ninga ke jaku jurulatih... ngasai ke diri udah STAR... Enggai nurun belatih. Nadai ati ka maju.

Sambutan Perayaan Hari Kemerdekaan Ke-50

Taun tu rumah panjai kami, ianya Rh Gundak Sg Paoh dipilih ngari ke sitak Sarikei enggau orang bepekit Sambutan Perayaan Hari Kemerdekaan Ke-50 ti digaga Jabatan Kemajuan Masyarakat (KEMAS). Berengkah ari pun bulan lapan tu kemari kami serumah bergutung-ruyung ngaga nama utai ti patut. Bala sida ke indu begaga ka langsir, beriyas ka rumah lalu sida ke lelaki tadi begaga ka pintu gerbang. Bendera Malaysia digantung ba tiap pintu bilik. Bala nembiak pen bisi nulung bala apai indai ngambi ka rumah panjai kami manah dipeda serta bisi mandang ka imej Hari Merdeka

Info pasal Rumah Gundak

Tuai Rumah : En. Gundak Ahlin
Sapit Tuai Rumah : En Wilson Awit
Pemanjai : 32 pintu
Penyauh ari pasar Sarikei : 16 km
Logo




Pun penatai ngagai Rumah Gundak... Kitai ulih ngasai ke semangat merdeka maya kitai meda pintu gerbang tu.


Belon ti dipasang ba ruai kena ngiyas rumah... 5o Tahun Merdeka Malaysiaku Gemilang.


Banner ti digantung ba ruai Tuai Rumah


Ruai kitai... Datai meh ngagai Rumah Gundak kena 10hb September tu. Mayuh agi pengawa ti ka diatur berengkah ari pukul 3 lemai nyentuk ngagai malam ari.

Kena 26 haribulan 8 tu kemari kami serumah bisi ngereja aktiviti Hari Kemerdekaan. Mayuh aktiviti ti digaga baka konvoi Hari Merdeka, pertandingan mewarna, sukaneka, pekit karaoke, ceramah merdeka enggau mayuh agi ke bukai.

Ba sukaneka, acara ti bisi digaga ianya pekit nyumpit, ngaga ketupat,ngisi ai dalam botol, ngiga coklet dalam tepung, mai belon ba pah, belanda 150 meter, mai bola pingpong ngena siduk enggau bowling buah nyur. Tiap pintu nganjung siku wakil enggau sukaneka tu.


Bowling- Indai Chu (bini tuai rumah) benung nikau ke buah nyur


Sukaneka nembiak - ngisi ai dalam botol


Nembiak mit benung ngiga coklet dalam tepung


Flosy Atu mendeklamasikan sajak merdeka


Gloriana Nina mantai ke pengelandik ia ngajat


Kami serumah begempuru udah lelak ngereja pengawa ba siang ari. Meri terima kasih ngagai semua kami serumah laban cukup meri kerjasama lebuh begaga ka pengawa baik nya bala ke tuai, bala nembiak tauka anak mit.

Tu meh reti merdeka ngagai kitai serumah. Ukai semina Malaysia merdeka tang kitai serumah pen merdeka dalam ati runding enggau pendiau kitai. Selamat Hari Merdeka. Awak ka semangat merdeka tu terus mengkang dalam ati kitai serumah belama-lama ia.



Angkat semua anak merdeka
Terus ka siti ari
Terus ka siti tuju
Singkang ke kaki nuan
Terus...lurus...

Pagila, lusa, ila...
Teruska hari kemerdekaan
Padah ke diri serumah
Bekangau ke diri selangkau
Bekumbai ke diri seberai
Besada ke diri semenua
Menua tu....
Hari tu...
Dunya tu...
Ungkup kitai
Kitai semua...anak merdeka
Merdeka...merdeka...merdeka...!!!