Terubah suba kami duai tu manah begulai ngau pangan diri laban sama-sama baru. Lama ke lama ia majak berubah serta mulut ia kelalu bangat jai bejaku serta nganu orang. Mayuh orang enggai meda ulah ia bakanya ta enda nemu bebasa ke orang tuai kadang-kadang. Selalu meda penyalah orang tang enda sedar ke penyalah diri. Kala sekali ia ditemu orang ngaga penyalah... nyau abis menua endur ia becerita madah ke bisi orang ngerepot penyalah ia. Nda ibuh diripot penyalah ia nya. Sigi senang ditemu.
Sekali ia kala nganu aku... maia nya aku sakit. Pedis amat ati aku tang aku agi sabar. Kali kedua laki ia nyindir-nyindir aku tang aku diau aja. Munyi ko kaban ia empu, seduai laki bini enti enda nganu orang sigi enda ulih idup. Ukai aku munyi nya, kaban ia empu. Kumbai ia ka kaban ia meda ulah seduai laki bini ko ia.
Baru-baru tu ia majak enggai meda aku. Nadai kala aku ngasai ke diri kelalu sumbung tauka lawa. Ari suba aku sigi selalu bejaku ribai enti begulai enggau bansa bukai tauka bansa Iban mega. Ukai lawa tang aku agi belajar jaku ribai. Sampai sari tu aku bedau landik bejaku laban aku majak jarang bejaku ribai. Tang mayuh orang enggai meda kami Iban tu bejaku ribai... ati ditunda sida aja-aja meh enti kami bejaku.
Sari nya ia nganu aku ba mua kaban aku serta ba mua kaban apai aku. Sida ia nusui ngagai aku. Udah nya aku enda bejaku enggau ia agi nyentuk ka sari tu. Ia enggai meda aku serta ka amat bejai aku ba mua orang. Bisi ari ila ia bulih penulah laban ati ia ti bangat jai nya. Taja ia bejaku baka orang ti kering tang enti ia bulih penusah ia seruan nyabak ba mua orang. Bisi ari ila ia nyerauh nyabak baka ia ke bejai orang. Ni pengelama ia bejai ke orang, nya meh pengelama ia nyabak. Pengidup kitai baka tayar moto.
5 comments:
sigi baka mensia nya grace. mensia ke ngempu ati jai, bengkeng serta nadai pengerindu ke pengelantang org bukai.
kapa peduli ka ia bisi maya utai nya pulai ngagai iya baru deh.
take care :)
p/s: nuan bejaku ribai nya manah laban nuan ka improve diri empu.kapa ia enda diau dalam batu deh, nadai nemu utai ulu ili ila...
Baka raung baruh tacu
Sinu nuan Grace, orang jeles sigi maioh pemedih, pedis ati serta sakit jantung meda pengelikun org lain. Kapa nuan ibuh ke sida ke bakanya gasak aja meh nuan jako ribai diak deh sida nya ke patut malu, nadai inisiatif deka belajar. Ba sekula kami nyamai endar bela kak goreng english enda betul gasak aja semua kak magang ke senior ulih membetulkan tanpa rasa rendah diri bakanya coz org nemu kitai ukai sekula medium english.
Ukai ka ngesow diri bejaku ribai tang ka belajar... enti aku pansut ari skei, tusah ati aku laban bala kaban landik magang jaku ribai.
grace..awak ke orang ti bakanya..sida ke bendar JELES laban enda ulihbaka nuan..org kelalu maioh PHD nang gaia ya..bisi maia utai ke gaga ya ngagai nuan pulai ngagai ya baru(what u give u will get back)..anang malas penyai enggau penyai(bisi dlm bible) awak Tuhan ngaga perhitungan ngagai org ti bakanya...pajak aja bejako ribai aku pen enti enda ulih bejako ribai enggau org lain aku bejako aja enggau cousin aku ti mit(bala prim skul) rindu agi bejako ngau sida sambil ngajar sida sambil aku empu belajar laban sida kak belaban bejako enggau aku lantak aja..take care
Post a Comment