Buah strawberry ba Cameron Highland
RM 9 aja rega buah strawberry tu siti pasu. Enti rumah aku bisi angin ke celap @ aircond ka aku nguji meli. Tang sayau meh nadai nadai aircond rumah kami laban ke mayuh kami sebilik sakit sengak tambah agi enda tan celap. Sendat idung tinduk malam...
Nyadi orang enda ngasuh kitai ngambi daun teh... Jangan Anang Petik (enda nemu) Daun Teh. Pengajar ukai ngambi daun teh tang megai batang ia... heheheh....
Benung berunding bakani ka ngaga ladang teh ba menua pulai tu ila.
Tauge Ayam... Kumbai ta nyamai endar ga laban meda orang nyau bebaris nganti meja puang.
Manuk kesuh... tauge (bedau datai) enggau ai tebu panduk.... Nyamai agi ba menua kitai. Patut orang madah Sarawak tu mayuh pemakai... aku nusui ngagai ipar aku pemayuh endur makai ba Kuching ia enda ulih imagine. Bisi Siang Siang, Da-Light enggau mayuh agi endur bukai baka ba Tabuan, BDC, Batu 4... Ia kala sekali ke Kuching taun 2004 suba... Nadai endur makai ko ia... Ngiga ba sebelah waterfront aja tudah tuai...
Nyamai agi lauk dipanduk kami serumah maia ka nyambut taun baru 2008... bisi manuk tuai rebus (kulit is tunu dulu), ngut panduk enggau daun empasa (ubi), upa aping rebus (manis amat), sayur campur, mee hoon, asi, buah pauh tesap mit enggau manuk kari.
Bala kami serumah benung jenuh ninga ke jaku lalau ari Pengajar (ukai aku). Pengajar tu ngasoh kami serumah ke agi besekula bendar agi belajar. Enti apai enggau orang nyabung, bejudi, meli lumur... anang mai anak ko ia. Nyadi ia empu enda kala ngasoh anak ia meri manuk sabung ia makai taja ia empu ka amat nyabung. Nydai bala anak ia tu sigi enggai enggau orang nyabung serta sinu ke jelu. Enti kami serumah tu bisi belanja lebih, anang enda mupuk meli rengka ngaga rumah... (rumah pengajar tu empu bedau tembu!!!! hahahaha...) Anang ngiga belanja bebulan-bulan tang abis sari dikena nyabung tauka bejudi.
Sida tu sebilik nyau sampal malut bup teks... Siku aja ke agi sekula ba SMK... Ke baju celum nya benung ka ngiga pengawa enti final year project ia pas... Ke baju burak nya apai seduai ia. Bisi siku agi menyadi tuai sida ia nadai dalam gambar tu. Bajik diri ga menyadi tuai sida nya ko orang...kuikuikui....
5 comments:
Fred!!!!
aku ka minta tulung fred mungkus bup deh..heheh
kirim salam ngagai menyadi tuai ti bajik nya..kuikuikui
Menyadi tuai sida 3 menyadi nya udah bisi insur ka diatu?
Puas aku nganti kad jemputan (hem2)ari nya. Sambil ka datai ngusung pengerami ulih gai rian & nenas Sarikei ila.
Empidan
keke auk ah salam ngagai menyadi tuai sida ia deh.
Empian sabar meh nganti ari menyadi tuai tuk, ni nemu orang bejamah lubah besai amat insur ia tekenyit bala ila, sigi gaya org low profile.
grace, terubah, terima kasih laban udah ngaga link blog aku ba blog nuan..kedua tetengok endar deka meda gambar indu dara ke nyabut pun teh nya..nama hal tiba tiba kerabur :)
keep in touch wai...nyangkung enti bisi makai buah strawberry
Chris n cath... auk meh. Udah ku ngirum salam ngagai madi tuai ia...
Empidan... low profile ko orang
Ruis..aku enggai makai strawberry. Bisi gambar bukai enti nuan nemu ngiga
Post a Comment