Aku selalu enggau bala besaut ba rumahdayak topik patut enda nyebut nama entua? Ukai nama aku berminat laban aku meda kadang-kadang bala kitai kelalu ka ngelaung ari nyebut nama entua sampai orang enda nemu utai disebut. Sebedau aku bejurai ke penemu aku, dulu aku minta ampun laban aku nemu utai tu kelalu sensitif ba bala kitai...
Ukai aku madah kitai tau nyebut nama entua.... Aku tu bedau bisi entua tang enti bisi jemah ari ila ngarap ke entua aku open minded. Anang ngumbai aku tulah enti tesebut ka nama. Baka ni kitai ka bejaku enti nama entua ta selalu amat ka disebut baka nama Dan? Enti orang ti gawa ba endur bukai engka ulih ga ngelaung ngena jaku ribai... baka ni bala pengajar lebih-lebih agi guru BM tauka sastera? Enti nya pen dikira tulah.... nyamai ngiga entua ti ukai nama bakanya. Hehehe....
Nama reti enti ngelaung ari nyebut nama entua tang enti bejaku sigi ngena jaku jai belama-lama eg. "dadak amat nuan tu" ? Nama reti adat basa enti semina enda nyebut nama entua tang bejaku ngena jaku jai beari-ari enggau entua?
Baka ni kitai bebasa ke entua? Ukai sema entua aja tang orang bukai ti begulai enggau kitai. Aku selalu ninga bala kitai enti bejaku ta selalu amat nyebut jaku ti enda manah... Uji pulai ke rumah panjai... bala indai selalu amat nganu anak sida ia palui, dadak, beli.... ni enda anak sida nyau nyadi bakanya... indai diri empu nyebut. Laki bini bejaku jai... dini adat basa?
Anang nganu okay..tu semina pendapat aku aja... Pendapat ari orang ti bedau bisi entua... hehehe....
3 comments:
Kami sebilik nadai pantang pen nyebut nama entua diri, baka sida menyadi aku .. aku enda kira lah, laban ti begulai enggau orang ukai bansa diri .. bekangau ka nama meh nya dia! hahaha, nye kelalu ga ... Uji kangau Dad and Mom neh! :-) Manah agi di dinga.
hehehe.... nitih ke bansa ga neh... Ba aku, nitih situasi ga. Enda ibuh kelalu bepantang sampai ngenusah diri empu.
Nitih ke basa. Enti kitai tau nyu jegak nadai beradat, nama-nama pan utai di sebut endang di kumbai urang belik meh.
Post a Comment