Seminggu agi kemisi raya.. yeayea... Ulih aku lari enda lama ari Pakan... Aku sigi enda ulih amat ga diau kelalu lama nadai pengawa din... Enti sema ari gawa, pulai ari skul aku tama ke flat lalu enda pansut agi meh datai ke pagi pagila. Semadi bisi kk tauka extra class baru aku bisi pansut baru.
Agi ingat ke Joe Martin? Kemari baju ia bisi kena latak mimit... nya aku warning ia enti baju ia kamah pagila (saritu) aku nganu ia baru. Pagi tadi beresi baju tudah tuai... sigi diberus ia. Hehehe... Laban ia ke laun tama agai lab, di ukum aku bediri ba luar. Benung aku ngajar bala nembiak bukai dinga aku bejaku ia ba luar nunda aku. Hmmm... sabar aja meh... ukum aku baru ga ia. Udah nya asuh aku tama... Rising-rising ia ari jauh lalu bekawad tama agai kelas... (ulih kita ringat agai nembiak bakanya?)
Nembiak aku menawa ka amat ngukir tubuh sida ngena pen... kadang-kadang ba endur ke kurap/gatal/telih digaga sida ukir. Ni enda makin majak kurap/gatal/telih sida nya. Kemari di anu aku baru ga sida nya. Enggi Joe suba enda nemu aku pemayuh 'pantang' ba jari ia... Diatu, celum mimit pen dibasu ia jampat-jampat.
Kemisi tu ka ke Kota Samarahan ngabas rumah aku din. Apai aku madah tirai ke dibeli aku enda manah... Ku ngasoh ia meli ke aku baru... hehehehe.... Nemu ga enggai....
Kemari kami bisi ceramah Mensiang Pun Buah. Tudah aku laban ke sigi lurus bendul enti datai ba jaku dalam dikumbai aku amat ka mensiang pun buah. Engka orang ka ngajar bakani ka ngintu pun buah.. ko ati aku din... kehkehkeh... merinsa....
Mayuh ka utai dipansut ke boss kami kemari... pasal anang enggai nyambung belajar, mesti ka bisi ripih pejalai ba pengidup... hmmm.... aku tu ka nyambung belajar baru tang boss enda ngasoh pindah.
7 comments:
Selamat hari raya sigu
Empidan
Kini nuan raya tu boss?
Relax neh, cuti raya enda lama agi!
Enti enggau ngabang anang kelalu mabuk ai oren! hehehehe
Lyana... mabuk rendang enggau ketupat... serta mabuk makai kek lapis
Ngirup kupi ba kedai mamak aja aku maya pemisi raya tu ila. Tiap2 hari nunga mamak dia.
Sema rajin, engka ga nurun ngagai KL / Genting.
Empidan
Grace, ngukir diri ba abi telih serta kurap. Akai enggai amat ku sit in tama kelas ting satu sampai ting 3 laban bau apuuuu kaka parai ku diau dlm kelas. Nasib ku ngajar anembiak form 6, nyu nemu ngintu diri sida nemu ngena minyak wangi. Sekeda sida amat dadak, nadai ragum serta misai, ngukur mua diri empu ngaga ragum ngaga misai nyu baka p ramlee, mata celup chelum. Ngena jacket pengawas dahnya ngena neck tie, mai payung serta engka bungai ros ba poker jacket nunda gothic konon. aku nyindir nyu baka org gila ba Sarikei nya, ke selalu ngena Sarikei No 1, low class ko aku, manjung sida ma ku ngumbai low class, kelalu sombung dik cikgu ko sida. hehe.
Empidan... ngasoh mamak manduk ke dik pansuh.
Cath.. seninjik deria bau aku enda tentu berkesan. Enti enda sigi mutah aku tama agai kelas pom satu ke ujung-ujung udah rehat. Bau mee Sedap mata, bau peluh, bau kesing... bau macam-macam utai. Selalu meh di anu laban sida enda tentu nemu reti dirara aja. Mesti ka jaku anu baru mereti utai ko kitai
Post a Comment