Umang anang enda nurun. Bisi pama enggau ikan lulun ke lauk... (slurrrp!!!!)
Sida apai aku semadi bisi enam iku. Kami petunggal 21 iku tang semina 4 iku aja indu. Ibu aku ke tuai bisi dua iku anak laki. Udah nya apai aku, ditangkan ke ibu aku ke belian nya bisi 5 iku anak lelaki. Ibu aku ke lumur tiga bisi 6 iku anak... semina ke biak amat indu. Aya aku ke lumur dua biak siku aja anak indu. Aya aku ke biak amat bisi 4 iku anak laki. Hehehe... Ka kami tiga semadi aja meh ke becampur laki indu. Nya alai sema bala ibu aya bisi pengawa lelak amat kami ke indu. Baik agi diatu laban sekeda bala petunggal udah bebini lalu bini sida nguai. Enda patut menantu buruk gawa ba bilik mentua. Heh...
Kami semadi laban ke di asi ke aki aku ari mit sigi selalu bemanja-manja enggau bala sida aya ibu. Sema bisi jelu, pama, buah tauka nama aja utai bisi sigi dianjung ngagai kami semadi lebih agi aya aku ke bisi siku aja anak indu. Tambah agi diatu anak ia gawa jauh, kami semadi selalu ngelawa seduai ia ibu aku, nyadai anak angkat kenu. Tu tadi diberi ia pama baru... heh.. mupuk dulu neh... ka makai pama sup.
11 comments:
Lawa kita, bisi makai pama.
Nyau berapa taun enda kala makai pama, tetenguk amai ninga cerita makai pama.
Kami kelia sigi dianti maya orang belian, laban maya nya meh bisi peluan makai manuk.
Empidan
Hi,
kawan lama dik suba baru meli laptop, kasih tudah enda belajar tinggi baru ngena komputer. Uji ajar ia neh, dah puas kami ngajar ia nyu kak nganu laban kelansang amat. Tuk email ia, crazycallihoo@hotmail.com
apu pama..stidi amat nya.
aku tu baru angkat, start ari thursday ku sakit, nyau 2 hari MC...
eh, ka amat nuan makai kaki katak enggau urang peranchis ditu. beside kaki katak, siti agi favourite food sida ia ga, tekuyung jipun masak butter..wekkkkk! anyway, nyamai ka urang. aku enda kala nguji, geli...
lyana:
tekuyung jipun = siput babi?
Christ ukai siput babi. tekuyung Jiun mata ia enda pecet amat baka tekuyung cina heheh. dadak amat. kaka makai tekuyung, katak goreng,litak tanah, semut merah, upa apung, upa nyiur, tubu rebung, kak makai terung iban, kaka makai kemiding, kaka makai babai lulun, kak makai daun ubi, serta daun paku keru, apoooooooooo mesti pulai aku jampat tuk.
Empidan.. nyamai amat manuk tunu kulit dipanduk enggau upa pisang.
Cath..sapa urang nya?
Chris... kasih amai meda aku aja meh makai aiskrim
Lyana... pama sigi nyamai enti enda berunding ke kulit enggau kaki ia.
Lama udah nadai makai pama... hmmmm.
amai ga o.lama dah enda betemu ngau apai yut ngau cikgu rubian.hehehe...lama dah enda kena pulas pending ari cikgu rubian.hahah...enti belian, utai paling best ianya upa pisang gulai manuk!!!enti enda maya urang belian mesti enda nyamai.enda nemu nama bekuah.hahaha...
flo... sigi nyau tetenguk enti lama enda makai neh
Bek... mangah mai cikgu dik nya... hehehe...
biar pun mangah tapi tetap cikgu kesayangan!!hahaha...biasa ia empu ayat "Mancal meh, lagi aku madah ngagai indai nuan (sambil kena pulas pending)"hahaha...
Post a Comment