Asai ke ka nyabak rauh-rauh aja aku berapa ari tu udah digaga orang bakanya... Tang laban ke sigi enda rindu nyabak aku semina manjung-manjung kediri aja ba bilik. Pedis ati aku....
Ketegal aku enda ngaga pengawa ke diasuh ia. Ukai aku enda ngaga tang laban pengawa nya enda ibuh digaga, kapa aku ka tusah-tusah ngaga. Aku makai di dalam. Betaun-taun aku ingat... betaun-taun aku ringat... Ukai sekali dua aku besabar... berapa taun udah. Aku nyau baka timebomb...
Benung aku ringat-ringat tadi aku maca blog Ruis. Enda berasai ai mata aku labuh maya aku maca cerita pengidup ia maya biak suba. Ukai nama aku sinu... sinu ngenang bala nembiak aku ke diau ba ulu sungai... idup merinsa... baju sekula orang burak magang, enggi sida nyau carik, celum nadai betukar. Aku arap ke sida bisi semangat baka Ruis... bisi apai indai baka indai Ruis... sanggup begadai ke reta kena melanja anak sida sekula. Enda ibuh semua... siku dua bakanya cukup meh.
Bisi nembiak siku... nembiak pintar tang nadai IC. Bulih 5A UPSR, 8A PMR. Kala badu sekula enggau orang bekuli. Cikgu ia udah ngagai pejabat pendaftaran ka nulung ia ngaga IC tang kelalu complicated amat prosedure nya. Nama kebuah tusah amat ngaga IC ba menua diri empu... Sapa nemu bakani ka nulung ngaga IC ke nembiak tu tau madah ke aku. Apai indai nadai enggau begulai. Pengidup bukai enda ibuh dicerita... cukup ngasuh ati sinu. Sapa bisi jalai kati ka nulung?
Naka tu dulu... mupuk aku
5 comments:
grace sabar k..setiap utai digaga kitai bisi 'upah' magang..Tuhan nemu ati kitai yang penting kitai iklas...org ke enda ngenang budi nang maioh utai ke tau ngasuh pedis ati amat2 nya laban org nya kala ditulong kitai maia ia tusah bila dah senang mimit mulalah bejai kitai tikam ari belakang...pasal ngaga ic nya aku pen enda nemu endar.tapi enti ya bc surat beranak enda ulih gaga kini..laban aku bc ga ninga bala(jauh)bc kes bakanya ndai ic tapi ya ulih ngaga laban bc surat beranak tapi lamalah baru siap nang maioh prosedure.bakani tau nadai ic deh??
Grace aku pun maioh masalah ba sekula, orang ke disebut aku ke nuan maia kitai jumpa sarinya majak bejai aku, ngumbai aku indu sundal tegal aku ke Canada, tang nadai ngawa aku enda takut ke masa depan aku laban aku resign tumu. Aku rasa aku nemu sapa orang ko nuan nya, sigi nadao rang ke balat jai ari ia, enggau aku suba enda gak ia berani, pama amat ia diatu neh ma udah belaki, senang aja wai, enti ia bisi menghina nuan , mesti nuan madah ke pihak atasan, pk1 and pengetua, enti nuan bisi bukti tau madah ke polis terus. Sigi nya cara ia wai, tegal nya tusah besai ia, enti enda gantung kerja ia tau dipindah ke sekula bukai atau effect pencen ia. Aku kak bakanya ngaga orang ke bejai aku ditu tegal kelalu balat ia bejai aku sampai emnghina and menfitnah aku.
agi ke nuan ingat pelajar nuan Rudy Balang, form 6 atas tahun lepas, aku form teacher sida ia, ia semina bisi ic ukai penduduk tetap. maioh pelajar pakan bisi penusah bakanya, uji nuan nulung report ngagai residen sarikei, sida tuk enda kerja enggau betul. Tambah pia, kawan aku lama dah register birth certificate anak buah ia ba pakan, dah 4 tahun anak buah ia diatu, apin datai birth certificate ia nya. sedangkan ba menua kitai berapa bulan aja paling laun. anembiak ke nadai ic nya uji ngasuh ngaga birth certificate and ic ba bintangor enggau sarikei, nadai lama nganti. nya sigi pegawai ke gawa nya enda ngereja pengawa.
Daradesa... Udah aku mansut ke pemedis ati aku ditu, senang mimit aku. Terima kasih.
Cath... em... orang bukai Cath. Ila ku cerita. Pasal IC nya.. ila aku nanya. TQ
grace, very sweet of you to mention me in your blog..thx. nuan laboh ai mata, sinu amai aku ninga ... amat enda kala betemu kitai ulih ngasai friendship via internet
ps: aku macha blog nn "aku kechiwa" -- orang ke selalu unreasonable ba kitai kadang2 bisi psycho problem - similar to school bully - they need to boost themselves at the expenses of others; also seldom a happy person in general
terima kasih ruis
Post a Comment