Angpau

Taun tu laban mayuh bala kami sebilik ke udah belaki bebini, mayuh agi ga angpau diberi orang. Nya meh untung agi single tu... arap ke Empidan enda jeles!!!


Aku plan ka meli water filter ngena duit angpau tu. Baka taun ti udah aku selalu ngena angpau kena meli barang ke ulih diingat baka sida mija makai, baju, baju, baju emm... nama agi neh... nyau enda ingat agi tang ke paling enda entu berfaedah dikena aku meli majalah hiburan maya aku agi mit suba.

Pesan Taun Baru

Pesan tu dituju ngagai semua bala kaban belayan aku. Selamat ngintu taun baru, taun cit... Taun baru tu arap ke semua ulih mujur dalam semua pengawa, mayuh duit, gayu guru gerai nyamai, meri aku angpau baka selama.... Nuju menyadi aku ke enda ulih pulai, ungkup angpau nuan kira ke beri ngagai aku aja meh. Sapa ngasoh enda pulai...




Pia mega nuju bala ke bisi maca blog aku tu ke bisi enggau orang ngintu taun baru. Gong Xi Fa Cai... Tahun balu suda mali...

ps : Enti ngabang anang mai raga enggau tubang kena mai ruti pulai.

Aku Ba Kuching

Aku ke Kuching ari minggu tu tadi ngulih ke bisi kemisi maya orang kerja upis gawa. Bisi urusan mimit ba JPN enggau bala sida NAIM. Abis pengawa aku nganti bala kaban abis kerja.


Bejalai ngagai The Spring.. ka meda shopping complex ke pemadu besai ba Sarawak tu.


Umbas ia ga... Enda tentu ngasoh tesat iga


Ih... enda nemu ngambi gambar kaban aku tu... pala ka mimit ja dipeda


Seari-ari enda mandi... dibai bala kaban makai ba Pending Seafood...

Diatu udah pulai ke Sarikei baru laban ke CNY lusa.

Kami Johan

Agi ingat ke cerita nembiak kami enggau orang Larian Jubli Emas? Tahun tu sekula kami menang semua kategori... Aku irau ke Kategori L18TKB laban sida tu ka kurang-kurang mimit tang sida cukup bersemangat. Kami semaia enggau sida enti menang kami mai sida ke sungai baru bbq. Maya MC madah ke kategori L18TKB sekula kami johan, bala atlet nyerauh "Yea!!!!Sungai Julau"... Hehehe... hairan aja orang ninga.

Kelalu mayuh pingat emas dibai... enti tau dijual kaya mai sekula kami.

Lemai nya kami ke Sungai Julau baru. Ai besai tang laban nadai ari agi... pajak ke aja. Terubah aku ka mai sida sama-sama bbq tang laban ikan mayuh amat diberi sida ba dapur (terima kasih), aku ngasoh sida ngidup ke api kediri.


Tu sida ke tuai agi... nemu agi ngidup ke api...


Bala sida ke mit tu kediri ga... ikan nyau labuh ngagai api...


Tu bala anak bujang...


Udah ikan enggau hotdog mansau kami makai... kenyang agi makai ba ai cigu... ko aaa...


Tu gambar Jimmy enggau Francis bulih lumur satu enggau dua maya peringkat negeri... Nepan bilun seduai ia ila ngagai Putra Jaya... Atlet indu 5 iku ari sekula aku enggau wakil negeri...Enti kita bisi meda orang belanda ila, sida ia meh nya. Peda manah bala nembiak aku tu ila Empidan... Hehehe...

Pengawa Maya Kemisi

Aku enda nemu sekula kami stat kemisi sari tu... Kumbai aku agi sekula kami ari satu minggu baru. Lapa deh... kelalu rajin kenu ko.. Nyau enda nemu kemaia kami kemisi. Pagi kemari bisi nerima kad ari kaban aku siku... anang enda datai ko ia. Orang mai manah, aku sigi datai enti nadai penanggul. Enti enda ulih aku ngirum hadiah aja.

Aku datai laun mimit laban nadai endur parking... Berapa kali aku meling pasar Sarikei... ngiga endur parking ke semak agi. Nyau 10 minit baru bulih parking. Belanda-landa aku ngena kasut tunjik mai kotak present. Datai ba mua pintu aku meda ipar kaban aku agi tegi-tegi nyambut bala ke datai. Nyau seput-seput aku. Heh...

Aku duduk ba mija kami sekaban. Enda lama udah nya kami berengkah makai. Aku mucau-mucau dalam ati kediri laban ketegal lapar pagi tadi aku makai mee gulung sepinggai besai enggau ngirup ai nyur sigi kira-kira sejam sebedau datai. Ba restauran aku enda entu ulih makai agi... (ngira makai aja.. ehhhh!!!)


Bisi 11 iti lauk dibantai enggau asi... Semina enggau orang nyeput-nyeput mimit aja udah lauk ke-7. Tambah agi mija kami bala ke on diet magang.... Mayuh amai laluh lauk deh. Anang saru meda tin beer nya... Laban kami driving magang, kami semina meda ai nya atas mija. Tambah agi aku sigi landik amat ngirup beer. Sekali nelan nyau baka ngena makeup cinang-cinang mua, dua kali udah begaru-garu gatal. Eeeehhh... kapa aku nya. Manah agi ngirup ai cola.


Tu meh di anti aku belama enti makai ba 'risturin'.... tisu ke wangi serta celap. Enti ka muka mesti ditempap dulu plastik ngambi ke munyi. hahaha... Aku kala di rara madi aku ba Kampung Nelayan KK ketegal ka ngaga bakanya. "Anang, orang KK enda bakanya"


Sebedau pulai aku begambar dulu enggau kaban aku... Aiseh... pama meh ngambi aura-aura orang ke baru nikah... engka tau berampit mimit.

ps : Aku kala enda datai siti wedding suba ukai ketegal enggai tang laban ia bejaku baka tu "enti nuan datai aku meri kad jemputan, enti enda datai enda aku meri"... Apu!!!! Kapa aku datai nya...

Aku Ringat

Asai ke ka nyabak rauh-rauh aja aku berapa ari tu udah digaga orang bakanya... Tang laban ke sigi enda rindu nyabak aku semina manjung-manjung kediri aja ba bilik. Pedis ati aku....

Ketegal aku enda ngaga pengawa ke diasuh ia. Ukai aku enda ngaga tang laban pengawa nya enda ibuh digaga, kapa aku ka tusah-tusah ngaga. Aku makai di dalam. Betaun-taun aku ingat... betaun-taun aku ringat... Ukai sekali dua aku besabar... berapa taun udah. Aku nyau baka timebomb...

Benung aku ringat-ringat tadi aku maca blog Ruis. Enda berasai ai mata aku labuh maya aku maca cerita pengidup ia maya biak suba. Ukai nama aku sinu... sinu ngenang bala nembiak aku ke diau ba ulu sungai... idup merinsa... baju sekula orang burak magang, enggi sida nyau carik, celum nadai betukar. Aku arap ke sida bisi semangat baka Ruis... bisi apai indai baka indai Ruis... sanggup begadai ke reta kena melanja anak sida sekula. Enda ibuh semua... siku dua bakanya cukup meh.

Bisi nembiak siku... nembiak pintar tang nadai IC. Bulih 5A UPSR, 8A PMR. Kala badu sekula enggau orang bekuli. Cikgu ia udah ngagai pejabat pendaftaran ka nulung ia ngaga IC tang kelalu complicated amat prosedure nya. Nama kebuah tusah amat ngaga IC ba menua diri empu... Sapa nemu bakani ka nulung ngaga IC ke nembiak tu tau madah ke aku. Apai indai nadai enggau begulai. Pengidup bukai enda ibuh dicerita... cukup ngasuh ati sinu. Sapa bisi jalai kati ka nulung?

Naka tu dulu... mupuk aku