Agi ingat ke pekit lagu ko aku suba? Pukul 6 pagi aku tinduk sari nya. Arap taun dudi nadai ngaga tu agi meh. Enti ngaga pen arap ke rumah panjai kami nya diberi projek elektrik enggau jampat laban tusah amat kami ngaga pekit baka tu nadai elektrik. Ia ga ai pen nadai... ngarap ke ai ujan aja kami serumah... Ka enda ngaga, enggai ga nyadi. Pajak ke dia meh...
Nya ia bulih... pama endar indai sanu tu neh...
Tu bala ti enggau bepekit... lawa orang wai...
Malam nya bisi ga orang belaya. Nya meh utai ti enggai dipeda aku amat-amat ba bala kitai maia bisi rami. Orang bukai enti rami sigi rami meh... gaga ati. Enggi kitai... kena pecik ai mimit lalu ka ngeju ke pangan... Tu utai ke dikerindu bala kitai pia? Udah nyata... enti pala sebingau, bala kitai sigi udu amat ka berekak, belaya. Baka ni wai? Nama runding kita? Enti aku madah,anang kelalu mayuh ngirup, sigi bisi orang ka nyaut aku.... ngirup tu sigi pengawa asal kitai ari suba. Nadai ulih diketu ke pengawa nya... ko bala sekeda legi. Ulih enti ka wai... baka pegawa asal kitai ti bepumpung ke pala... ulih ga kitai ngetu. Enti enda, lama udah pala aku dipumpung bala sekeda pelaba aku...
Nyau sakit... baru bala bisi ka ngetu. Manah ga nya dipeda aku tang kadang-kadang berunding ga aku ke bala sekeda ke nemu maca, nemu nulis, pelajar tinggi... isa ga bala ti nadai sekula... engka enda nemu pasal penusah ti tau nuntung enti majak ngirup.
Anang ringat wai... sapa ringat, munyi ko orang... makan cili dia rasa pedas. Aku bejaku tu secara terbuka.. nadai nuju ngagai sapa-sapa. Laban penyinu ke bala diri... kasih meda ulah bala ti nadai berunding ke pemedis diri maia berekak...Ko jaku ngirup ngambi gaga ati tang pengujung ngemedis ke diri. Mupuk aku....
5 comments:
Ni nuan bisi enggau orang bepekit belagu?
Amat munyi ko nuan, aku begedi endar meda bala ti ngirup datai ka nadai nemu diri agi .. ka nganu orang, bebukut ..chisss! Lagi ma orang bansa bukai ngumbai bala iban sigi rindu mabuk, enggai ka sekeda ninga jako munyi nya.:-(
ka aku enggau tang laban dah mayuh mai peserta malam nya... 69 iku... ila ga.. hehehe... baka ke nemu mai belagu neh...
terima kasih ke sukung nuan Puteri.
Auk Grace, nadai merti bala nembiak kitai sekeda, tambah enti nadai agama sigi enda nemu penyangkai pengidup diri empu. Enda ibuh sebut ti menua baka Sibu ditu aja ba bandar mit Bulan October tahun lepas bisi orang bebunuh ba restaurant cina depan orang maioh depan polis ari siang maioh orang meda nya meh laban mabuk bala Iban bebunuh sesama ipar diri empu. Tuk dua ari lepas uncle aku meda orang bepantap gak ba Jalai kem kayu balak Lasik, siko putus jari dibai ke hospital, kes balas demdam coz ia kala mantap orang pun laban mabuk. Kiai empu pun irau semak orang selalu mabuk.
Engai ngirup...sombong! lawa!Ngirup mimit bah....ngangat ka isi!
Beri setin aja...kedekut! rangka!
Ngirup penapat inat...bepantap! berekak! belaya!
endang udah gaya kitai Iban...tusah!! Nadai orang ulih nulong ngubah hal tok kecuali orangnya empu...
Ba menoa kami pan bakanya Grace.
Bencilah kadang-kadang...hahaha...
Selamat Taun Baru ngagai kita dia.
mentaliti org iban, enti enda abis enda badu, sedey aku nengok....
Post a Comment