Kes 1
Siku nembiak enda nurun sekula dua minggu ketegal enda tembu ngaga kerja kursus Sejarah PMR. Maia kami duai berandau ia madah ia udah enggau orang gawa nunyau semin. Gaji RM25 sari. Diatu nembiak nya udah nurun sekula baru. Sigi pedis ka ngemansang ke nembiak ti nadai ati ka belajar. Tusah ati lalu sinu ke sida ia... Kasih meda apai indai ti bendar amat ngiga belanja kena nyekula ke sida.
Kes 2
Kaban aku tebaca ke surat nembiak nuju apai indai ia... Minta kirum ka duit RM10 laban tudah tuai nyau nadai duit ke belanja agi. Sinu ati lebuh aku ninga laban nembiak tu sigi mereti serta rajin taja enda entu pintar amat. Kini ke tuju nembiak tu ila enti ia udah abis pom 5? Ia manah tang kurang ari segi pemandai ia. Aku arap ia ulih ngatur idup ia empu ila.
Kes 3
Apai enggau indai ia udah sarak... Apai bebini baru, indai belaki baru... Ia diau enggau aki ini ia...
Kes 4
Anak sida ia ngaga penyalah ba sekula. Apai indai nembiak ngari ke anak...
Kes 5
Baka ni ka ngasoh anak enda nginsap, enda ngirup enti sida pulai ke rumah meda pengawa orang ba rumah bakanya. Arak rega RM2 sebutul tau dibeli sida ke nembiak bakanya aja... Sigi gaya enti ngiga untung.
DINI PENYINU BALA KITAI KE DIRI EMPU? ENDA IBUH SINU KE ORANG BUKAI... CUKUP MEH SINU KE DIRI EMPU....
3 comments:
Kasih bala Iban. Ni maya ulih mansang baka bansa bukai?
Hello Wai....guna le MSJbox tu...RM10 jer setahun...Boleh bank in terus ke acc Juaidix.....boleh caya.....
hai pengajar..manah amat blog nuan,ulih muka mata kitai iban especially iban yg duduk di kpg :) hope tua ulih keep in touch...
sigi amat ko jako nuan pasal kitai iban tuk...mayuh gilak bala kitai iban ti kepapas ke pangan dirik.
and sigi agik penyakit kitai iban is ADULTERY.aku pun nda paham lapa kitai iban kelalu suka gilak commit adultery...dah nyak kahwin,cerai..and the list goes on...
Post a Comment