Go Bald 2011 Ba Miri

Ujung minggu nyin kemari kami duai breakfast enggau kaban ari Kuching. Sida ia menyanak raun ke Miri 4 ari... Nya ia madah ia datai baru ke Miri minggu baru (sari tu) laban enggau orang Go Bald. Nya aku madah, enti sema anak orang siku nya enggai gondol, kami tetap datai meri sukung ngagai kempen tu.



Lama ga kami sebuat duduk ba kedai kupi berandau tambah agi anak bujang ia dua iku nya enda tentu ka makai... dikulum-kulum seduai pemakai dalam mulut. Orang meja sepiak-sepiak kadang-kadang malik ngagai kami. Engka ninga kami 4 iku bejaku ngena mayuh bahasa. English, Hokkien, Melayu Sarawak, Mandarin, Melayu baku..... Hehehehe...


Pagi tadi patut kami ke Niah nganjung kaban siku pulai. Tang kami ke Bintang Mega Mall dulu meda orang Go Bald. Kaban aku nya meda kami datai ngasoh anak orang siku register tang enggai ia kediri... Nyau duduk dulu sida ia discuss baru dua iku ka ngondol pala sida ia. Anak orang nya enggau kaban ia siku tang kaban ia nya ngiga bini ia dulu minta permission..... hehehehe.... Anak orang siku nya nda ibuh minta laban ari suba bini ia udah ngasoh, tambah mega senang ka monitor pala ia udah tu. Aku nyau geram nganti sida ia discuss... Nya aku ngasoh seduai ia register aja laban bala ke bukai enggai magang. Bisi sekeda madah ke diri ka, tang bini enda ngasoh... hahahahahaha......




Kira sejam nganti nya baru sida ia register.... Udah meda bala majak mayuh, sida ke enggai tadi alu register mega, enggai ke kena "kick out" ari persatuan... Sida tu semua main softball, nya sida ia ngena nama persatuan ngeregister diri.


Tu meh gambar sida ke enggai tadi... nyau sampal sida udah nya.... Udah abis begambar, kami lalu ngagai salon kaban siku, trim ngambi manah agi. Nya sida madah, nadai bisnes kaban sida nya berapa minggu tu laban sida nadai buk agi ka dikempat... ahahahahah.....

15 Mei tu, kempen Go Bald ka digaga ba Spring, Kuching. Sema kita din, anang enda datai. Enti kita enda gondol, kita tau meri derma. Kempen tu kena nulung bala anak mit ti bisi cancer (riman/reman). Kita tau minta kad derma dulu baka derma jogerton nya meh... Set target kita (minimum RM100) baka RM1K ka tauka lebih ari nya. Kita minta derma sampai datai ba target kita empu. Maia 15 Mei tu, kita ke Spring, bai kad n duit... udah nya baru kita BOTAK... Ba Miri laban ke baru digaga, mayuh orang bedau nemu bakani sida ngiga duit ngena kempen tu. Tang diatu kami udah nemu, so next year arap ulih nulung lebih agi... Sari tu tadi 115 iku Go Bald serta duit tulung RM112K dikumpul... Well done Mirians!!!!!!

Pemutus SPM Pagila

Jenak kita ke ngambi SPM taun nyin kemari tinduk malam tu? Ke sigi enda peduli nya, jenak ia tinduk... kada ke nemu pagila pemutus peresa pansut.... Ke sigi skema nya, seminggu-minggu tu tadi enda ulih tinduk jenak... hahahaa.... Bah, arap mujur bala kita ke bisi ngambi SPM

Pua Tampung Seribu

Rindu amat aku meda cura pua tampung seribu digaga bala kaban aku dalam facebook. Taun nyin kemari entua aku tetemu ke projek ia bedau tembu. Diberi ia ngagai aku... Maia kemisi sekula nti aku pulai ke Miri aku begaga ke pua nya. Tang diatu ngetu dulu... Cura ti digaga entua ku tu simple aja tang nadai divider... Tu ke udah tembu mina bedau dijait tisi aja. Nganti kemisi 3 bulan ila aku ka nembu ke cura baru ti digaga aku empu sari nya... hehehehe... diatu simpan dalam stor ja dulu...

Meli Botol Ai Tupperware

Sari nya LTL (apai tuai) mai aku bejalai meda aku suah amai diau ba rumah... Ka pen enggai, lutor enda ngasoh balat bejalai. Taja bejalai tang aku duduk ba moto aja... Hehehe.... Baru aku ingat bisi dua iku kaban aku ka nyadi member Tupperware. Aku mai LTL agai stokis laban ke enda jauh ari rumah. LTL sigi ka amat meli botol ai tupperware...

Udah aku register ke kaban aku, LTL ati megai botol tupperware mit 4 iti nya... Kami duai dah bisi 4 iti botol ai... 3 ari Tupperware, siti agi K-Link. Tang semua burit botol nya besai magang, nda ulih simpan ba compartment moto... engkah ba baruh penuduk... nti brek, labuh ga botol ai kami duai.... Semua botol nya 1L ke atas... Ke dipegai ia 500ml. Ni cukup 500ml ko aku madah agai ia... Tang laban bisi 4 botol, semua sekali enti diisi 2L... Kira seliter siku meh kami duai. Kena enti tua bejalai ngena moto aja, ko ia madah agai aku. 7 iti meh botol kami duai diatu... haahahaha.....

Laban botol tu mit amat, diisi aku ai magang, engkah aku ba meja tisi pintu. Tiap kali ia ka nurun, ambi ia dua botol... Ke puang isi baru.... Nyamai ga sepi aku baka nya. Enti ia ngena ke 1L ngau 2L lama mimit ia ngabis ke ai laban ke diirup enti aus maia driba aja... Semadi kami duai bejalai jauh, nya baru mayuh ai disimpan.

Rami Nikah

Berapa taun tu udah, aku selalu cerita pasal rami nikah orang. Nganti enggi diri empu alu bedau... hehehehe... Nya kabuah aku lama enda nulis dalam blog laban 'busy' bepangan berapa taun tu. Diatu semua pengawa ti berat udah tembu digaga..bisi lantang mimit ari endur aku nulis blog... Ukai madah udah nyadi bini orang aku nadai pengawa agi.. anang salah. Suba aku dipindah ke orang ke Kuching, nurun gawa ari pukul 6:15 pagi datai di rumah 6:15 lemai... Datai ba rumah, berapi (tapau ke selalu agi), mandi, nuci baju, meda tv enda lama nganti boipren telefon. Ni bisi ari aku beblog deh?

Bakani ka upload gambar dalam blog neh? Nyau nda ingat agi aku.... aisemen......

Bah... nyambung cerita asal aku tadi... Rami nikah aku enggau apai tuai aku digaga 4 aribulan 12 taun nyin kemari (2010). Enggai ke kita saru ila, tu semina ngerami aja... ukai beterang, ukai besua cincin tau ka sain surat kawin (alu ingat ke lagu celak jari tua, tanda sain surat kawin)... Pengawa beterang, besua cincin, sain surat nikah ba JPN udah digaga kami taun 2009 suba.

Sigi lelak sepi aku ngaga pengawa bakatu.... Tambah agi kami duai jauh ari pangan diri. Siku ba Kuching, siku ba Miri... pengawa ba Sarikei... Phey!!!!! Seninjik cigu bisi kemisi panjai ujung taun..... Ko jaku ka ngaga ba Sarikei dulu, baru ngaga ba Miri tang laban sepiak apai tuai aku tu bisi ari bulan ti manah, sida milih 26 Nov 2010 ngaga ba Miri. Enti kami ka ngaga tumu ba Sarikei, nyau baru berengkah kemisi amat-amat maia nya. Nya kami ngaga laun seminggu...

Bakani ka upload gambar neh???????





Tu gambar sida petunggal aku ti nyadi tawing kami duai laban malu ga kediri duduk ba bangku... Mayuh orang meda... Bisi sida tu, nyamai agi... heh... Tu pengawa last minute bala kami tu. Aku laban sebening pala ngerunding mayuh utai ka digaga, nyau sari gi ka rami baru madah ke sida ibu, ngasoh sida tiga tu sedia... Seninjik rengka ngepan sigi bisi...











Kami duai meh tu... Apai tuai aku nama ia bisi tiga iti... Lim TL. Taja nama ia LTL, aku ke lebih agi baka mua Cino ke kami duai... Nya orang selalu saru, bejaku Cino enggau aku, bejaku Melayu enggau ia enti kami duai ba kedai. Nama kabuah pia? Aku tu Iban + Cina + Memaloh. LTL tu Cina + Melanau + Kayan. Sama sekula ba Miri tang nadai kala betemu. Ujung-ujung betemu ba KL maia mai nembiak MSSM. Sama minat sukan ngasoh kami duai ulih bejaku, berunding.... Bidang bukai??? Agi belajar enggau pangan diri...




Tu bala kaban sama enggau aku ba Unimas suba.... Gaga amat ati meda sida ulih datai taja jauh. Bisi orang ke semak pen enda ulih datai. Suba rauh-rauh ngasoh madah enti rami. Nadai jaku gi kita wai.Kad bisi diberi, kita nadai datai... nadai agi me utang kira ia neh... Ukai semua au, bisi sekeda madah manah, SMS, telefon, FB, email madah ke diri enda datai laban bisi pengawa berat ke bukai. Nadai ko enggau meh... Ga maia kemisi baka tu sigi mayuh amat orang ngaga pengawa. Sekeda ke enda datai tang bisi meri tulung, meri prisin... terima kasih mayuh mayuh ke kita. Tema bala bakih aku malam nya apple green... bisi sekeda ke enggai ngena apple green rauh-rauh madah ke diri enggai datai. Kira mengugut meh nya... haaa... datai ga bala sida manuk ari Betong...

Tu gambar kami semadi... Indai tuai madi aku nadai dalam gambar... Enti kita ngelala Fred ba blog Pejalai, udah bebini ia diatu... hahaha... nadai peluang agi indu daha deh....

Kira ke naka tu dulu meh berita ari aku kali tu... Ta ta .....