Pengajar migran

Dua ari pengajar Grace migran. Ari dua sepiak kiba, ari tiga sepiak kanan. Ukai nyamai migran nyau asai ka pecah pala.

Nama kebuah migran? Laban pengajar nda cukup tinduk, ari kemarau serta pedis pala maca ngecik kertas peresa bala nembiak. 

Puji Tuhan sulu ati pengajar bisi nulung ngurut mimit. Orang udah belajar ngurut ba laki Indon kenu ko. Nemu ngiga point serta titik reflexology. 

Pengajar makai Bcomplex Shaklee serta ngirup ai mayuh. 

Sari tu ari empat. Nadai agi pala pengajar migran laban pagila ari lima. Hahaha... Mupuk aku 

Nebas rumput

Pagi tadi ningga orang nginjin rumput ba luar jampat-jampat aku pansut. Ka ngasoh orang nya nginjin rumput belakang rumah. Enti dikira tanah belakang rumah nya mina ulih kena nanam 7-10 pun lada aja. 

RM30 ko apai tuai nya. Minta kurang mimit tudah aku laban ke ujung bulan. Nda ulih laban minyak injin rumput udah mar serta getah ke mata injin nya pen mar ko ia. Nadai ko enggau meh. Enda ingat bejaku Iban enggau ia tadi. Enti ia nemu aku Iban kada enda mudah agi kini. Ka bejaku Iban dulu engka ta Indon laban enda dipeda mua.

Enda datai 10 minit, tawas meh belakang rumah aku. Enti semua nya ditanam ke sayur lelak amai makai sayur belama. Enggai enda nanam rumput baka orang ga kami duai Apai Amber. 

Nyebut pasal sayur, lemai kemari Apai Amber nanya aku nama kebuah cabi aku jai belama. Pagi mirah lemai nadai agi. Ukai jai nya... Kelalu manah nyau abis dempa burung.  Ka ngetan ke empulut nda ga nemu mela legi... 

Buah mulberry aku kali tu nyadi. Nemu ga burung ngalau buah nya ke Amber. 

Mupuk dulu pengajar. 

Udah 10 taun

Maia pengajar pindah kitu suba mayuh orang ngumbai pengajar baru posting. Agi biak amat mua pengajar kini... Hihihi...  

Tang mayuh agi bala ke sigi nemu pengajar udah lama ngajar deh..... Kelebih agi ke sigi aktif ba sukan belanda, nikau, merejuk, engkecit, hahaha.... Ba nadai nama bukai olahraga tu ba Iban ke ditemu aku.

Taun keterubah pengajar suba ba Pakan, nganti bala kitai nguntik, nadai ga orang ka, ngumba amat sida nya deh... Amat ta alah pemajik pengajar tu laban bala indu Pakan... Pindah ke Kuching pen sama mega. Sigi atur Petara, pengajar jadi enggau uhang Mihi, pindah kitu, meli rumah semak enggau sekula suba, ngajar ba sekula sama enggau apai tuai gawa. Tiap ari meh darah pengajar niki laban ulah bala nembiak... Asai ka badu ngajar belama tang enda ga nemu nama pengawa ka digaga enti badu ngajar. Mupuk dulu aku. 

Ninggal ke kita enggau gambar kami menyanak ba Taiwan

Belanda, bejalai, merejuk

Lama pengajar enda enggau orang belanda taja selalu ngelatih nembiak. Taun tu pengajar di bai orang ke Bintulu. 3 taun pengajar enda bejalai sekumbang bebincing ke radio sandik. Arap ke ulih betemu enggau bala kaban bukai. Taja nembiak pengajar nadai enggau tang engka orang ngasoh pengajar nyaga sida ke merejuk nya... Hahaha... Gambar ba baruh tu ngeso ke pengerajin bala nembiak pengajar belatih ba rumah.

PBS

Macam-macam pengawa pengajar diatu. Ke paling pengajar Grace enda puas ati nyimpan eviden nembiak dalam Fail Perkembangan Pelajar... Apu!!!!! Ukai nama, aku belajar nyau ka mati ngulih ke degree & master, nya pengawa aku?????? Nyimpan kertas dalam fail nembiak siku-siku. Ukai sekali setaun, nyau ka 3 kali seminggu siti kelas... Enti 5 kelas = 5 x 3 = 15 kali. Siti kelas 30 iku nembiak, so 15 x 30 = 450 kali seminggu... Arrrghhhh!!!!

Go Bald 2011 Ba Miri

Ujung minggu nyin kemari kami duai breakfast enggau kaban ari Kuching. Sida ia menyanak raun ke Miri 4 ari... Nya ia madah ia datai baru ke Miri minggu baru (sari tu) laban enggau orang Go Bald. Nya aku madah, enti sema anak orang siku nya enggai gondol, kami tetap datai meri sukung ngagai kempen tu.



Lama ga kami sebuat duduk ba kedai kupi berandau tambah agi anak bujang ia dua iku nya enda tentu ka makai... dikulum-kulum seduai pemakai dalam mulut. Orang meja sepiak-sepiak kadang-kadang malik ngagai kami. Engka ninga kami 4 iku bejaku ngena mayuh bahasa. English, Hokkien, Melayu Sarawak, Mandarin, Melayu baku..... Hehehehe...


Pagi tadi patut kami ke Niah nganjung kaban siku pulai. Tang kami ke Bintang Mega Mall dulu meda orang Go Bald. Kaban aku nya meda kami datai ngasoh anak orang siku register tang enggai ia kediri... Nyau duduk dulu sida ia discuss baru dua iku ka ngondol pala sida ia. Anak orang nya enggau kaban ia siku tang kaban ia nya ngiga bini ia dulu minta permission..... hehehehe.... Anak orang siku nya nda ibuh minta laban ari suba bini ia udah ngasoh, tambah mega senang ka monitor pala ia udah tu. Aku nyau geram nganti sida ia discuss... Nya aku ngasoh seduai ia register aja laban bala ke bukai enggai magang. Bisi sekeda madah ke diri ka, tang bini enda ngasoh... hahahahahaha......




Kira sejam nganti nya baru sida ia register.... Udah meda bala majak mayuh, sida ke enggai tadi alu register mega, enggai ke kena "kick out" ari persatuan... Sida tu semua main softball, nya sida ia ngena nama persatuan ngeregister diri.


Tu meh gambar sida ke enggai tadi... nyau sampal sida udah nya.... Udah abis begambar, kami lalu ngagai salon kaban siku, trim ngambi manah agi. Nya sida madah, nadai bisnes kaban sida nya berapa minggu tu laban sida nadai buk agi ka dikempat... ahahahahah.....

15 Mei tu, kempen Go Bald ka digaga ba Spring, Kuching. Sema kita din, anang enda datai. Enti kita enda gondol, kita tau meri derma. Kempen tu kena nulung bala anak mit ti bisi cancer (riman/reman). Kita tau minta kad derma dulu baka derma jogerton nya meh... Set target kita (minimum RM100) baka RM1K ka tauka lebih ari nya. Kita minta derma sampai datai ba target kita empu. Maia 15 Mei tu, kita ke Spring, bai kad n duit... udah nya baru kita BOTAK... Ba Miri laban ke baru digaga, mayuh orang bedau nemu bakani sida ngiga duit ngena kempen tu. Tang diatu kami udah nemu, so next year arap ulih nulung lebih agi... Sari tu tadi 115 iku Go Bald serta duit tulung RM112K dikumpul... Well done Mirians!!!!!!

Pemutus SPM Pagila

Jenak kita ke ngambi SPM taun nyin kemari tinduk malam tu? Ke sigi enda peduli nya, jenak ia tinduk... kada ke nemu pagila pemutus peresa pansut.... Ke sigi skema nya, seminggu-minggu tu tadi enda ulih tinduk jenak... hahahaa.... Bah, arap mujur bala kita ke bisi ngambi SPM